У Пінску здарыўся выбух у адным з цэхаў фанэрнай фабрыкі ЗАТ «Пінскдрэў», падчас якога ў будынку знаходзіліся 29 работнікаў. Паводле папярэдняй інфармацыі на дзень 25 кастрычніка, 18 чалавек дастаўленыя ў бальніцу. Сярод пацярпелых 13 чалавек маюць апёкі 60% цела і моцныя траўмы. Паведамляецца пра двух загінулых.
У Пінску створаны штаб па аказаньні дапамогі пацярпелым. Жыхары Пінску кажуць, што на фабрыцы час ад часу здараліся пажары, але такога моцнага выбуху не было.
Сьцяпан, жыхар гораду Пінску: «Быў вельмі моцны пажар, значная частка гораду аказалася задымленай. Раней таксама былі здарэньні на гэтай фабрыцы, але такога выбуху, што нават у другім раёне гораду, у кватэры, вокны якой выходзяць на другі бок ад фабрыкі, было чуваць, яшчэ не было».
Толькі праз тры гадзіны пажар патрапілі патушыць.
Прэсавы сакратар Пінскага ГРМНС Аляксандар Германовіч: «Пажар патушаны, цяпер супрацоўнікі МНС праводзяць агляд памяшканьняў, прамываюць вадой тэрыторыі цэху».
Паводле супрацоўніка МНС, пацярпелыя дастаўленыя ў шпіталь. Цяпер праводзіцца расчыстка завалаў:
«Мы спадзяемся, што ўсе пакінулі цэх, і пад заваламі нікога ня будзе. Хаця ніхто не дае ніякіх гарантыяў, але спадзяемся на лепшае».
Рабочыя фабрыкі кажуць, што ахвяр нашмат больш, чым паведамляецца афіцыйна.
Жыхар Пінску, работнік фабрыкі Міхал: «У курылцы я чуў, што загінула вельмі шмат людзей. На самой справе было вельмі далёка відаць пажар, які ўспыхнуў у выніку выбуху. Не кажу ўжо і пра сам выбух. Яго моц была велізарнай!»
Чыноўнікі адзначаюць, што сёньня напрыканцы дня будзе агучаная інфармацыя пра страты і ахвяры.
У Пінску створаны штаб па аказаньні дапамогі пацярпелым. Жыхары Пінску кажуць, што на фабрыцы час ад часу здараліся пажары, але такога моцнага выбуху не было.
Сьцяпан, жыхар гораду Пінску: «Быў вельмі моцны пажар, значная частка гораду аказалася задымленай. Раней таксама былі здарэньні на гэтай фабрыцы, але такога выбуху, што нават у другім раёне гораду, у кватэры, вокны якой выходзяць на другі бок ад фабрыкі, было чуваць, яшчэ не было».
Толькі праз тры гадзіны пажар патрапілі патушыць.
Прэсавы сакратар Пінскага ГРМНС Аляксандар Германовіч: «Пажар патушаны, цяпер супрацоўнікі МНС праводзяць агляд памяшканьняў, прамываюць вадой тэрыторыі цэху».
Паводле супрацоўніка МНС, пацярпелыя дастаўленыя ў шпіталь. Цяпер праводзіцца расчыстка завалаў:
«Мы спадзяемся, што ўсе пакінулі цэх, і пад заваламі нікога ня будзе. Хаця ніхто не дае ніякіх гарантыяў, але спадзяемся на лепшае».
Рабочыя фабрыкі кажуць, што ахвяр нашмат больш, чым паведамляецца афіцыйна.
Жыхар Пінску, работнік фабрыкі Міхал: «У курылцы я чуў, што загінула вельмі шмат людзей. На самой справе было вельмі далёка відаць пажар, які ўспыхнуў у выніку выбуху. Не кажу ўжо і пра сам выбух. Яго моц была велізарнай!»
Чыноўнікі адзначаюць, што сёньня напрыканцы дня будзе агучаная інфармацыя пра страты і ахвяры.
