У галерэі сучаснага мастацтва «Ў» 29 верасьня адбылася прэзэнтацыя новай вэрсіі беларускай інтэрнэт-бібліятэкі Kamunikat.org. Гэтая электронная бібліятэка была створаная і разьвіваецца беларусамі, якія жывуць у Польшчы.
Беларуская інтэрнэт-бібліятэка зьяўляецца праектам Беларускага гістарычнага таварыства ў Беластоку. На сайце Kamunikat.org можна знайсці амаль 6000 беларускіх публікацый — кніг, часопісаў, газэтаў, mp3-файлаў, якія датычыць Беларусі ці беларусаў.
Пра новае аблічча «Камунікату» гаворыць стваральнік і каардынатар Беларускай інтэрнэт-бібліятэкі Яраслаў Іванюк: «Магчыма, мы можам памыляцца, але гэты сайт зрабіўся крыху лягчэйшым, сьвятлейшым, мае шмат новых магчымасьцяў для наведнікаў, новых функцыянальнасьцяў».
Яраслаў ІванюкУ рамках праекту «Беларускія аўтары» Kamunikat.org дае магчымасьць ствараць пэрсанальныя сайты беларускіх пісьменьнікаў, публіцыстаў і дасьледчыкаў, чые кнігі знаходзяцца ў рэсурсах бібліятэкі. Існуе таксама некалькі сайтаў беларускіх выдавецтваў і выдавецкіх сэрый.
Разам са спадаром Іванюком над «Камунікатам» працуе Натальля Герасімюк: «Я на бібліятэкарства захварэла, калі прыехала жыць у Польшчу. Маім першым духоўным дзіцём стала бібліятэка ў беларускім музэі ў Гайнаўцы. Калі былі пачаткі гэтай бібліятэкі, то на мяжы бы так: усе нармальныя людзі вязуць папяросы ды гарэлку, а я вязу багажнікамі кніжкі».
У інтэрнэт-бібліятэцы «Камунікат» можна знайсьці шмат рарытэтных выданьняў. Напрыклад, спэцвыпуск за 1990-ы год газэты «Свабода» альбо эміграцыйны часопіс «Божым шляхам».
Навуковец Натальля Гардзіенка: «Сёньня „Камунікат“ можна назваць адмысловым вакном Беларусі ў сеціве — то бок у сьвеце. Бо менавіта праз „Камунікат“ сьвет можа даведацца пра тыя культурныя набыткі — кніжныя ды выдавецкія — якія ёсьць і якія былі».
Сярод прысутных на прэзэнтацыі быў амбасадар Швэцыі ў Беларусі Стэфан Эрыксан, а таксама былы генэральны консул Беларусі ў Беластоку Міхаіл Аляксейчык. Паказаў аўдыторыі свой адмысловы праект «Беларусы ў Польшчы» фатограф Андрэй Лянкевіч. Прасьпяваў некалькі песень бард Алесь Камоцкі.
Беларуская інтэрнэт-бібліятэка зьяўляецца праектам Беларускага гістарычнага таварыства ў Беластоку. На сайце Kamunikat.org можна знайсці амаль 6000 беларускіх публікацый — кніг, часопісаў, газэтаў, mp3-файлаў, якія датычыць Беларусі ці беларусаў.
Пра новае аблічча «Камунікату» гаворыць стваральнік і каардынатар Беларускай інтэрнэт-бібліятэкі Яраслаў Іванюк: «Магчыма, мы можам памыляцца, але гэты сайт зрабіўся крыху лягчэйшым, сьвятлейшым, мае шмат новых магчымасьцяў для наведнікаў, новых функцыянальнасьцяў».
Разам са спадаром Іванюком над «Камунікатам» працуе Натальля Герасімюк: «Я на бібліятэкарства захварэла, калі прыехала жыць у Польшчу. Маім першым духоўным дзіцём стала бібліятэка ў беларускім музэі ў Гайнаўцы. Калі былі пачаткі гэтай бібліятэкі, то на мяжы бы так: усе нармальныя людзі вязуць папяросы ды гарэлку, а я вязу багажнікамі кніжкі».
У інтэрнэт-бібліятэцы «Камунікат» можна знайсьці шмат рарытэтных выданьняў. Напрыклад, спэцвыпуск за 1990-ы год газэты «Свабода» альбо эміграцыйны часопіс «Божым шляхам».
Навуковец Натальля Гардзіенка: «Сёньня „Камунікат“ можна назваць адмысловым вакном Беларусі ў сеціве — то бок у сьвеце. Бо менавіта праз „Камунікат“ сьвет можа даведацца пра тыя культурныя набыткі — кніжныя ды выдавецкія — якія ёсьць і якія былі».
Сярод прысутных на прэзэнтацыі быў амбасадар Швэцыі ў Беларусі Стэфан Эрыксан, а таксама былы генэральны консул Беларусі ў Беластоку Міхаіл Аляксейчык. Паказаў аўдыторыі свой адмысловы праект «Беларусы ў Польшчы» фатограф Андрэй Лянкевіч. Прасьпяваў некалькі песень бард Алесь Камоцкі.
