Спадар Астаповіч распавядае, што Барысаглебская царква ХІІ–ХVIІ ст. у Наваградку — адна з найдаўнейшых цэркваў Беларусі. Яна мае статус гісторыка-культурнай каштоўнасьці 1-й катэгорыі, гэта значыць — сусьветнага значэньня.
Зь яго слоў, заплянаваныя працы ў пэрспэктыве неабгрунтавана зьменяць аўтэнтычны воблік помніка архітэктуры, і таму ён адразу забіў трывогу.
Астаповіч: "Сёньня раніцай я размаўляў зь Ігарам Чарняўскім, начальнікам упраўленьня Міністэрства культуры па ахове гісторыка-культурнай спадчыны. Ніводнага ўзгадненьня на правядзеньне працаў няма. На аб’ект прызначаны навуковы кіраўнік, афіцыйна вядуцца праектныя працы, але ніводнае праектнае рашэньне не прайшло ўзгадненьня ў Міністэрстве культуры".
Сучасны выгляд Барысаглебскай царквы ў Наваградку. Фота: globus.tut.byТакім чынам, спадар Астаповіч сьцьвярджае, што груба парушаецца беларускае заканадаўства аб ахове гісторыка-культурнай спадчыны, і патрабуе ад наваградзкіх уладаў спыніць незаконныя працы і скласьці пратакол аб адміністрацыйным правапарушэньні ў дачыненьні да прыходу Барысаглебскай царквы гораду Наваградку.
Айцец Мікалай Орса, настаяцель царквы, заявіў: "Міністэрства культуры дало нам навуковага кіраўніка. Мы падалі ўсе неабходныя паперы ў Міністэрства культуры на паседжаньне Рады, і праект, прадстаўлены намі, быў зацьверджаны".
Айцец Мікалай таксама дадаў, што царква аднаўляе купалы такія, якімі яны былі з часоў пасьля скасаваньня уніі і да 1991 году. Маўляў, царква адпачатку, у 1519 годзе, была збудавана як праваслаўная. Зь яго слоў, пакрыцьцё цяперашніх вежаў згніло і вада разбурае храм.
У Наваградзкім райвыканкаме ведаюць пра рэканструкцыю старадаўняй царквы. Я прывёў довады спадара Астаповіча спэцыялісту ідэалягічнага аддзелу Івану Грыню, на што ён адказаў:
Грынь: "Усё, што робіцца на купалах Барысаглебскай царквы, узгоднена зь Міністэрствам культуры, і ёсьць навуковы кіраўнік праекту. І робяць яны там усё вельмі асьцярожна…"
Зь яго слоў, заплянаваныя працы ў пэрспэктыве неабгрунтавана зьменяць аўтэнтычны воблік помніка архітэктуры, і таму ён адразу забіў трывогу.
Астаповіч: "Сёньня раніцай я размаўляў зь Ігарам Чарняўскім, начальнікам упраўленьня Міністэрства культуры па ахове гісторыка-культурнай спадчыны. Ніводнага ўзгадненьня на правядзеньне працаў няма. На аб’ект прызначаны навуковы кіраўнік, афіцыйна вядуцца праектныя працы, але ніводнае праектнае рашэньне не прайшло ўзгадненьня ў Міністэрстве культуры".
Айцец Мікалай Орса, настаяцель царквы, заявіў: "Міністэрства культуры дало нам навуковага кіраўніка. Мы падалі ўсе неабходныя паперы ў Міністэрства культуры на паседжаньне Рады, і праект, прадстаўлены намі, быў зацьверджаны".
Айцец Мікалай таксама дадаў, што царква аднаўляе купалы такія, якімі яны былі з часоў пасьля скасаваньня уніі і да 1991 году. Маўляў, царква адпачатку, у 1519 годзе, была збудавана як праваслаўная. Зь яго слоў, пакрыцьцё цяперашніх вежаў згніло і вада разбурае храм.
У Наваградзкім райвыканкаме ведаюць пра рэканструкцыю старадаўняй царквы. Я прывёў довады спадара Астаповіча спэцыялісту ідэалягічнага аддзелу Івану Грыню, на што ён адказаў:
Грынь: "Усё, што робіцца на купалах Барысаглебскай царквы, узгоднена зь Міністэрствам культуры, і ёсьць навуковы кіраўнік праекту. І робяць яны там усё вельмі асьцярожна…"
