Паводле прадпрымальнікаў, пяцёра супрацоўнікаў падатковай інспэкцыі зьявіліся на рынку аб адзінаццатай гадзіне. Калі гандляры пачалі пратэставаць, падаткавікі выклікалі міліцыю. Чацьвёра міліцыянтаў з падпалкоўнікам на чале зьявіліся тут жа. Гвалтоўных дзеяньняў зь іх боку не было. Яны назіралі здалёк і здымалі акцыю пратэсту на відэакамэру.
— Ідзе проста звычайны шантаж. Немагчыма працаваць на «Грабянёўскім» рынку. Раней мы плацілі дзьвесьце эўра, а цяпер патрабуюць плаціць 260 эўра. Калі мы гэтага ня робім, то да нас штодзённа правяраюць. Мы ня супраць праверак, але патрабуем, каб нас правяралі згодна з законам. А ня тое, што хаатычна захацелі — прыйшлі. Сёньня правяраюць тры павільёны. Яны проста хочуць нас выжыць, —зазначае гандлярка Тацяна.
— У чым жа шантаж?
— Калі складаюць акт, то прапануюць яго прыбраць, калі мы даплацім падатак, — тлумачыць яшчэ адна гандлярка
— Гэтыя шэсьцьдзесят эўра?
— Так!
— А штрафы вялікія?
— Ад трыццаці мінімалак пачынаючы.
Выслухаць меркаваньне падаткавікоў не атрымалася. Яны сышлі з рынку пасьля таго, як прадпрымальнікі патэлефанавалі на «Свабоду». Іх сыход гандляры назвалі ўцёкамі. Зь іх слоў, у падатковай інспэкцыі сёньня абвешчаная працоўная субота, таму яны й прыйшлі на рынак з пазачарговай праверкай.
— Я двойчы зьвяртаўся ў дзяржкантроль. Там мяне пераконвалі ў тым, што гэта ня іхная прэрагатыва займацца такімі пытаньнямі. Я зьвярнуўся да Лебедзева, у адміністрацыю Кастрычніцкага раёна. Ён сказаў прыпыніць дзеяньне падаткавікоў, бо няясная схема, якую ён сам падпісаў. Аднак дзеяньні тыя працягваюцца, — зазначае гандляр Генадзь.
Сёньняшні працоўны дзень прадпрымальнікі з-за наведваньня рынку супрацоўнікамі падатковай інспэкцыі змарнавалі. Вялікіх прыбыткаў і за два апошнія месяцы яны не атрымлівалі, бо значна зьнізілася пакупніцкая актыўнасьць насельніцтва.
Усьлед за падаткавікамі сышлі й трое міліцыянтаў. Назіраць за гандлярамі міліцэйскае начальства пакінула аднаго лейтэнанта.
Міліцыянт: «Я тут для аховы правапарадку».
Карэспандэнт: «Прадпрымальнікі парушалі правапарадак?»
Міліцыянт: «Вось, каб і не парушалі».
— Ідзе проста звычайны шантаж. Немагчыма працаваць на «Грабянёўскім» рынку. Раней мы плацілі дзьвесьце эўра, а цяпер патрабуюць плаціць 260 эўра. Калі мы гэтага ня робім, то да нас штодзённа правяраюць. Мы ня супраць праверак, але патрабуем, каб нас правяралі згодна з законам. А ня тое, што хаатычна захацелі — прыйшлі. Сёньня правяраюць тры павільёны. Яны проста хочуць нас выжыць, —зазначае гандлярка Тацяна.
— У чым жа шантаж?
— Калі складаюць акт, то прапануюць яго прыбраць, калі мы даплацім падатак, — тлумачыць яшчэ адна гандлярка
— Гэтыя шэсьцьдзесят эўра?
— Так!
— А штрафы вялікія?
— Ад трыццаці мінімалак пачынаючы.
Выслухаць меркаваньне падаткавікоў не атрымалася. Яны сышлі з рынку пасьля таго, як прадпрымальнікі патэлефанавалі на «Свабоду». Іх сыход гандляры назвалі ўцёкамі. Зь іх слоў, у падатковай інспэкцыі сёньня абвешчаная працоўная субота, таму яны й прыйшлі на рынак з пазачарговай праверкай.
— Я двойчы зьвяртаўся ў дзяржкантроль. Там мяне пераконвалі ў тым, што гэта ня іхная прэрагатыва займацца такімі пытаньнямі. Я зьвярнуўся да Лебедзева, у адміністрацыю Кастрычніцкага раёна. Ён сказаў прыпыніць дзеяньне падаткавікоў, бо няясная схема, якую ён сам падпісаў. Аднак дзеяньні тыя працягваюцца, — зазначае гандляр Генадзь.
Сёньняшні працоўны дзень прадпрымальнікі з-за наведваньня рынку супрацоўнікамі падатковай інспэкцыі змарнавалі. Вялікіх прыбыткаў і за два апошнія месяцы яны не атрымлівалі, бо значна зьнізілася пакупніцкая актыўнасьць насельніцтва.
Усьлед за падаткавікамі сышлі й трое міліцыянтаў. Назіраць за гандлярамі міліцэйскае начальства пакінула аднаго лейтэнанта.
Міліцыянт: «Я тут для аховы правапарадку».
Карэспандэнт: «Прадпрымальнікі парушалі правапарадак?»
Міліцыянт: «Вось, каб і не парушалі».