Тыдзень таму жыхар Латвіі Гінтс Гейкенс паставіў намёт насупраць будынку ўраду. Ён заявіў, што пачынае галадоўку на знак пратэсту супраць эканамічнай палітыкі кіраўніцтва краіны. Пазьней намётавы гарадок пашырыўся: да яго далучыліся яшчэ васьмёра чалавек, якія засталіся бяз працы. Фотарэпартаж можна паглядзець ТУТ.
Міністар аховы здароўя Байба Разэнтэле даручыла рыскай службе хуткай дапамогі правяраць стан галадоўнікаў праз кожныя 6 гадзінаў.
«Зразумелы чалавечы адчай і жаданьне выказаць сваё меркаваньне ў форме пікету і галадоўкі. Таму хуткая дапамога павінна рэгулярна зьяўляцца і ацэньваць стан здароўя гэтых людзей, каб у разе патрэбы аказаць ім мэдычную дапамогу. Калі стан гэтых людзей пагоршыцца, ім будзе цяжэй вырашаць свае праблемы», – цытуюць СМІ словы міністра.
Выканаўца абавязкаў прэм'ер-міністра Каспар Герхардс напісаў галадоўнікам афіцыйны ліст, дзе падкрэсьліў, што людзі павінны выяўляць ініцыятыву ў змаганьні з беспрацоўем, а таксама заклікаў спыніць галадоўку і скарыстацца сацыяльнай падтрымкай.
Латвія перажывае цяжкі эканамічны крызіс. Урад абвясьціў рэжым татальнай эканоміі, скараціў сацыяльныя дапамогі ды пэнсіі і ўзьняў шэраг падаткаў. Узровень беспрацоўя дасягнуў 19%. Міжнародныя фінансавыя структуры пагадзіліся прадставіць краіне пазыку ў 7,5 мільярда эўра.
Міністар аховы здароўя Байба Разэнтэле даручыла рыскай службе хуткай дапамогі правяраць стан галадоўнікаў праз кожныя 6 гадзінаў.
«Зразумелы чалавечы адчай і жаданьне выказаць сваё меркаваньне ў форме пікету і галадоўкі. Таму хуткая дапамога павінна рэгулярна зьяўляцца і ацэньваць стан здароўя гэтых людзей, каб у разе патрэбы аказаць ім мэдычную дапамогу. Калі стан гэтых людзей пагоршыцца, ім будзе цяжэй вырашаць свае праблемы», – цытуюць СМІ словы міністра.
Выканаўца абавязкаў прэм'ер-міністра Каспар Герхардс напісаў галадоўнікам афіцыйны ліст, дзе падкрэсьліў, што людзі павінны выяўляць ініцыятыву ў змаганьні з беспрацоўем, а таксама заклікаў спыніць галадоўку і скарыстацца сацыяльнай падтрымкай.
Латвія перажывае цяжкі эканамічны крызіс. Урад абвясьціў рэжым татальнай эканоміі, скараціў сацыяльныя дапамогі ды пэнсіі і ўзьняў шэраг падаткаў. Узровень беспрацоўя дасягнуў 19%. Міжнародныя фінансавыя структуры пагадзіліся прадставіць краіне пазыку ў 7,5 мільярда эўра.
