Супрацоўнікі міліцыі пратрымаўшы маладых людзей больш за дзьве гадзіны пачалі іх адпускаць без складаньня пратаколаў. Яны перапісалі прозьвішчы ўдзельнікаў пікету і ўсіх адпусьцілі.
Маладыя людзі ў Дзень салідарнасьці з палітвязьнямі і сем’ямі зьніклых трымалі расьцяжкі “Свабоду Аўтуховічу!”і “Свабоду палітвязьням!” насупраць кінатэатру “Беларусь” ля станцыі “Фрунзенская” ў Менску.
На месца пікету прыйшлі кіраўнікі менскай міліцыі. Яны выклікалі спэцназаўцаў. Актывістаў закінулі ў аўтобус і адвезьлі ў міліцыю.
Затрыманых актывістаў пачалі адпускаць з пастарунку каля 20-й гадзіны без складаньня пратаколаў.
