Сёньня раніцай пачнецца суд над трыма абвінавачанымі ў “справе 14-ці” Міхаілам Субачам, Паўлам Вінаградавым і непаўналетнім Максімам Дашуком.
Іх судзяць на месяц пазьней за іншых дзесяцярых абвінавачаных праз тое, што яны пазьней азнаёміліся з матэрыяламі крымінальнай справы.
Міхаіл Субач прадпрымальнік. Ён казаў, што 10 студзеня выйшаў на вуліцу бараніць свае правы, патрабуючы адмены прэзыдэнцкага ўказу № 760. Міхась ня лічыць сябе вінаватым, але ня верыць, што суд можа яго апраўдаць:
“Думаю, што калі будзе добрае надвор’е, то будзе шмат людзей – як тады, калі судзілі маіх паплечнікаў. Лічу, што мы не пасьпеем за адзін дзень усё прайсьці, таму што там было шмат і відэаматэрыялаў, і шмат сьведкаў... Прынамсі два дні гэта ўсё будзе цягнуцца”.
Павал Вінаградаў лічыць, што прысуд ня будзе істотна адрозьнівацца ад тых, якія вынесьлі ягоным дзевяцярым сябром:
“Магчыма і тое, што мяне асудзяць. І ўжо сёньня я буду ведаць прысуд. Натуральна, апраўдальнага прысуду чакаць не даводзіцца. Думаю, што мне, як і ўсім іншым, дадуць два гады папраўчых”.
У крымінальнай справе застаецца яшчэ адзін абвінавачаны – Аляксандар Баразенка, які вучыцца ва Ўроцлаўскім унівэрсытэце па праграме Кастуся Каліноўскага. Аляксандар удзельнічаў у акцыі прадпрымальнікаў, бо прыяжджаў тады ў Менску, каб падоўжыць візу. Пасьля адбыцьця арышту ён ад’ехаў у Польшчу здаваць сэсію.
Паколькі Аляксандр не прыехаў у Беларусь, каб азнаёміцца з матэрыяламі крымінальнай справы, яго абвясьцілі ў вышук.
Аляксандар Баразенка паведаміў “Свабодзе”:
“Я спадзяюся, што яны атрымаюць штрафы. Ведаю, што яны ўсе сапраўды мужныя і годныя людзі, але такая беларуская сыстэма”.
На суд падтрымаць Міхаіла Субача, Максіма Дашука і Паўла Вінаградава прыйдуць іх сябры, сваякі, паплечнікі. На працэсе будуць таксама прадстаўнікі АБСЭ, амбасадаў Эўразьвязу і ЗША.
У красавіку, калі суд адбываўся над дзесяцьцю абвінавачанымі, спэцназаўцы не прапускалі ў будынак паплечнікаў абвінавачаных. Яны займалі амаль палову месцаў у залі, каб не даць магчымасьці прысутнічаць большай колькасьці людзей. Толькі ў дзень, калі абвінавачаныя выступалі з апошнім словам, прысутнасьць міліцыянтаў абмежавалася трыма супрацоўнікамі.
Назіральнікі лічаць, што гэтую тактыку будуць ужываць і сёньня. Суд пад старшынёўствам Валер’я Есьмана пачнецца а палове 10-й раніцы.
Іх судзяць на месяц пазьней за іншых дзесяцярых абвінавачаных праз тое, што яны пазьней азнаёміліся з матэрыяламі крымінальнай справы.
Міхаіл Субач прадпрымальнік. Ён казаў, што 10 студзеня выйшаў на вуліцу бараніць свае правы, патрабуючы адмены прэзыдэнцкага ўказу № 760. Міхась ня лічыць сябе вінаватым, але ня верыць, што суд можа яго апраўдаць:
“Думаю, што калі будзе добрае надвор’е, то будзе шмат людзей – як тады, калі судзілі маіх паплечнікаў. Лічу, што мы не пасьпеем за адзін дзень усё прайсьці, таму што там было шмат і відэаматэрыялаў, і шмат сьведкаў... Прынамсі два дні гэта ўсё будзе цягнуцца”.
Павал Вінаградаў лічыць, што прысуд ня будзе істотна адрозьнівацца ад тых, якія вынесьлі ягоным дзевяцярым сябром:
“Магчыма і тое, што мяне асудзяць. І ўжо сёньня я буду ведаць прысуд. Натуральна, апраўдальнага прысуду чакаць не даводзіцца. Думаю, што мне, як і ўсім іншым, дадуць два гады папраўчых”.
У крымінальнай справе застаецца яшчэ адзін абвінавачаны – Аляксандар Баразенка, які вучыцца ва Ўроцлаўскім унівэрсытэце па праграме Кастуся Каліноўскага. Аляксандар удзельнічаў у акцыі прадпрымальнікаў, бо прыяжджаў тады ў Менску, каб падоўжыць візу. Пасьля адбыцьця арышту ён ад’ехаў у Польшчу здаваць сэсію.
Паколькі Аляксандр не прыехаў у Беларусь, каб азнаёміцца з матэрыяламі крымінальнай справы, яго абвясьцілі ў вышук.
Аляксандар Баразенка паведаміў “Свабодзе”:
“Я спадзяюся, што яны атрымаюць штрафы. Ведаю, што яны ўсе сапраўды мужныя і годныя людзі, але такая беларуская сыстэма”.
На суд падтрымаць Міхаіла Субача, Максіма Дашука і Паўла Вінаградава прыйдуць іх сябры, сваякі, паплечнікі. На працэсе будуць таксама прадстаўнікі АБСЭ, амбасадаў Эўразьвязу і ЗША.
У красавіку, калі суд адбываўся над дзесяцьцю абвінавачанымі, спэцназаўцы не прапускалі ў будынак паплечнікаў абвінавачаных. Яны займалі амаль палову месцаў у залі, каб не даць магчымасьці прысутнічаць большай колькасьці людзей. Толькі ў дзень, калі абвінавачаныя выступалі з апошнім словам, прысутнасьць міліцыянтаў абмежавалася трыма супрацоўнікамі.
Назіральнікі лічаць, што гэтую тактыку будуць ужываць і сёньня. Суд пад старшынёўствам Валер’я Есьмана пачнецца а палове 10-й раніцы.
