Р.Сікорскі: Беларусь можа разьлічваць на падтрымку Польшчы
07.05.2008 17:51
Пра гэта міністар замежных спраў Польшчы заявіў у часе выступу ў Сэйме.
Выступаючы сёньня ў Сэйме з праграмнай прамовай адносна галоўных накірункаў польскай замежнай палітыкі, міністар замежных спраў Польшчы Радаслаў Сікорскі заявіў, што “можа запэўніць беларусаў у тым, што Беларусь можа разьлічваць на польскую падтрымку паўсюль там, дзе зробіць стаўку на павагу да правоў чалавека і палітычных правоў апазыцыі, на дыялёг, кампраміс і адкрытасьць да Эўропы”.
Паводле Сікорскага, “Польшча, як і ўвесь Эўразьвяз, гатовая дапамагчы Беларусі ў яе разьвіцьці”.
Кіраўнік МЗС Польшчы заявіў, што гэта “таксама ў інтарэсах беларускіх незалежніцкіх рухаў і польскай меншасьці ў Беларусі”.