Мінулай ноччу зьніклі вядомыя дэмакратычныя дзеячы -- беларускі тэатральны рэжысэр Валеры Мазынскі, старшыня менскай гарадзкой арганізацыі Партыі БНФ Уладзімер Кішкурна і грамадзка-палітычны дзеяч Сяргей Лукін. Пра гэта БелаПАН паведаміла праваабаронца Леанарда Мухіна.
Паводле яе інфармацыі, недзе апоўначы яны накіраваліся з дому на Кастрычніцкую плошчу, каб перадаць удзельнікам акцыі пратэсту супраць афіцыйных вынікаў прэзыдэнцкіх выбараў напоі й прадукты харчавання, аднак на плошчы яны так і не зьявіліся. Л.Мухіна лічыць, што ўсе трое былі затрыманы міліцыяй. Іх месцазнаходжаньне дагэтуль невядомае.
Апрача таго, на плошчы працягваюцца затрыманьні ўсіх тых, хто спрабуе аказаць падтрымку ўдзельнікам акцыі - прыносіць ім прадукты і гарачую гарбату. Так, прыкладна каля 9-й гадзіны раніцы міліцыянт лейтэнант Краўчэня за парушэньне правілаў дарожнага руху затрымаў аўтамабіль "Audi", у якім знаходзіўся Валянцін Дзьмітрыеў з таварышам. Яны прывезьлі на плошчу прадукты і гарачую гарбату для ўдзельнікаў акцыі. У іх канфіскавалі кіроўскія пасьведчаньні і загадалі сьледаваць за супрацоўнікамі ДАІ.
На плошчы зараз знаходзіцца каля пяцісот чалавек. Тут жа ўстаноўлена каля пятнаццаці палатак, яны акружаны ланцугом маладых людзей. Разгорнуты бел-чырвона-белыя сцягі, сьцягі Эўразьвязу, дзяржаўныя сьцягі Літвы, Грузіі, Украіны і Расеі, палотнішчы з выявай зубра, герба Менску. На калёнах Палацу прафсаюзаў вывешаны лёзунгі "Верым! Можам! Пераможам!", "Мілінкевіч!", "За свабоду!".
Многія аўтамабілі, што праяжджаюць міма Кастрычніцкай плошчы, сыгналамі вітаюць удзельнікаў.
***
Як паведамляе БелаПАН, каля 10-й гадзіны раніцы на Кастрычніцкай плошчы быў затрыманы галоўны рэдактар недзяржаўнай газэты "Наша Ніва" Андрэй Дынько, які прывёз для ўдзельнікаў акцыі торбу з прадуктамі.
Журналіст быў затрыманы, калі выходзіў з аўтобуса маршруту № 100. Некалькі чалавек у цывільным тут жа скруцілі яму рукі і заштурхнулі назад у аўтобус. Яго далейшы лёс пакуль невядомы.
Таксама на плошчы расьце колькасьць супрацоўнікаў праваахоўных органаў – міліцыянтаў у чорнай камуфляжнай форме, супрацоўнікаў Амону, людзей у цывільным з рацыямі.
Гл.таксама Начны онлайн-рэпартаж з Кастрычніцкай плошчы (фота) Кастрычніцкая плошча ўначы (фотарэпартаж)
Паводле яе інфармацыі, недзе апоўначы яны накіраваліся з дому на Кастрычніцкую плошчу, каб перадаць удзельнікам акцыі пратэсту супраць афіцыйных вынікаў прэзыдэнцкіх выбараў напоі й прадукты харчавання, аднак на плошчы яны так і не зьявіліся. Л.Мухіна лічыць, што ўсе трое былі затрыманы міліцыяй. Іх месцазнаходжаньне дагэтуль невядомае.
Апрача таго, на плошчы працягваюцца затрыманьні ўсіх тых, хто спрабуе аказаць падтрымку ўдзельнікам акцыі - прыносіць ім прадукты і гарачую гарбату. Так, прыкладна каля 9-й гадзіны раніцы міліцыянт лейтэнант Краўчэня за парушэньне правілаў дарожнага руху затрымаў аўтамабіль "Audi", у якім знаходзіўся Валянцін Дзьмітрыеў з таварышам. Яны прывезьлі на плошчу прадукты і гарачую гарбату для ўдзельнікаў акцыі. У іх канфіскавалі кіроўскія пасьведчаньні і загадалі сьледаваць за супрацоўнікамі ДАІ.
На плошчы зараз знаходзіцца каля пяцісот чалавек. Тут жа ўстаноўлена каля пятнаццаці палатак, яны акружаны ланцугом маладых людзей. Разгорнуты бел-чырвона-белыя сцягі, сьцягі Эўразьвязу, дзяржаўныя сьцягі Літвы, Грузіі, Украіны і Расеі, палотнішчы з выявай зубра, герба Менску. На калёнах Палацу прафсаюзаў вывешаны лёзунгі "Верым! Можам! Пераможам!", "Мілінкевіч!", "За свабоду!".
Многія аўтамабілі, што праяжджаюць міма Кастрычніцкай плошчы, сыгналамі вітаюць удзельнікаў.
***
Як паведамляе БелаПАН, каля 10-й гадзіны раніцы на Кастрычніцкай плошчы быў затрыманы галоўны рэдактар недзяржаўнай газэты "Наша Ніва" Андрэй Дынько, які прывёз для ўдзельнікаў акцыі торбу з прадуктамі.
Журналіст быў затрыманы, калі выходзіў з аўтобуса маршруту № 100. Некалькі чалавек у цывільным тут жа скруцілі яму рукі і заштурхнулі назад у аўтобус. Яго далейшы лёс пакуль невядомы.
Таксама на плошчы расьце колькасьць супрацоўнікаў праваахоўных органаў – міліцыянтаў у чорнай камуфляжнай форме, супрацоўнікаў Амону, людзей у цывільным з рацыямі.
Гл.таксама Начны онлайн-рэпартаж з Кастрычніцкай плошчы (фота) Кастрычніцкая плошча ўначы (фотарэпартаж)
