Юрыст Аляксей Лойка і назіральнік Крысьціян Шынкевіч пацярпелі падчас уварваньня АМАП у офіс праваабарончай арганізацыі «Вясна» 25 сакавіка. Паводле шматлікіх сьведак, ніякага супраціву яны не аказвалі.
Аляксей Лойка трапіў у шпіталь са страсеньнем мозгу і гематомамі. Пра стан Шынкевіча інфармацыі няма.
Ранкам 25 сакавіка ў офіс праваабарончай арганізацыі «Вясна-96» уварваўся АМАП. Былі затрыманыя 57 праваабаронцаў і журналістаў, у тым ліку замежных. Некалькі гадзінаў яны правялі ў РУУС.
