Віцебскі раённы аддзел Сьледчага камітэту расьсьледуе крымінальную справу ў дачыненьні да фізрука, жыхара аднаго з аграгарадкоў раёну па ч. 1 арт. 168 КК (палавыя зносіны і іншыя дзеяньні сэксуальнага характару з асобай, якая не дасягнула 16-гадовага ўзросту).
Як паведаміла БелаПАН афіцыйны прадстаўнік упраўленьня Сьледчага камітэту па Віцебскай вобласьці Сьвятлана Сахарава, 61-гадоваму мужчыну выстаўленая абвінавачаньне ў палавой сувязі з 14-гадовай школьніцай. Ён зьмешчаны пад варту.
Журналістам TUT.BY, якія пагутарылі з маці школьніцы, тая распавяла, што дачка, праўдападобна была закаханая ў свайго настаўніка і хоча, каб яго выпусьцілі на волю.
Настаўнік жанаты, мае дзяцей і ўнукаў.
