Акцыю здымаў шэраг журналістаў, Свабода вяла жывую відэатрансьляцыю. У час акцыі пад будынкам КДБ былі затрыманыя апэратарка «Нашай Нівы» Ірына Арахоўская і журналіст «Нашай Нівы» Мікіта Недаверкаў. Міліцыянты сьцьвярджаюць, што яны абодва вывешвалі сьцягі. Іх завялі ў будынак КДБ.
Усяго актывісты «Маладога Фронту» вывесілі каля 25 сьцягоў. Як адзначыў Зьміцер Дашкевіч, такім чынам арганізацыя адзначыла «сьвята развалу імпэрыі».
