«19 верасьня 1991 году парлямэнт Беларусі зацьвердзіў дзяржаўнымі сымбалямі нашай краіны бел-чырвона-белы сьцяг і герб „Пагоня“, беларуская мова сталася адзінай дзяржаўнай, а краіна ад таго дня называецца — Рэспубліка Беларусь», — тлумачаць актывісты нагоду правядзеньня акцыі.
Ініцыятарамі акцыі выступаюць лідэр "Маладога фронту" Зьміцер Дашкевіч, а таксама моладзевыя актывісты Павал Вінаградаў і Яўген Афнагель.
«У 25-ю гадавіну гэтай вялікай даты запрашаем патрыётаў на сьвяточную акцыю „Праспэкт нацыянальнага сьцяга“. Разам уздымем уздоўж праспэкта нацыянальныя сьцягі, засьведчыўшы гэтым, што бел-чырвона-белы сьцяг жыве і хутка зноў станецца дзяржаўным сьцягам Беларусі!», — заявілі арганізатары.
