Здымак быў апублікаваны на старонцы галоўнага рэдактара нарвэскай газэты Aftenposten Эспэна Эгіля Хансэна. Прычым, Facebook выдаліў ня толькі здымак, але і ўвесь пост Хансэна, прысьвечаны культавым вобразам вайны.
Хансэн напісаў адкрыты ліст уладальніку Facebook Марку Цукербэргу, у якім выказаў нязгоду з выдаленьнем фотаздымка сусьветна вядомага ваеннага фатографа Ніка Ута, на якім выяўлена група людзей, што трапілі пад бамбаваньне напалмам у Сайгоне, у тым ліку аголеная віетнамская дзяўчынка Фан Тхі Кім Фук. Здымак быў зроблены ў 1972 годзе Утам, які тады быў карэспандэнтам Associated Press. Здымак вядомы як «Напалмавая дзяўчынка».
