Расейскія падлеткі-спартоўцы прыйшлі ў Нацыянальную бібліятэку Беларусі і зладзілі спаборніцтва па пляўках проста на экспанаты, апляваўшы выставу «111 год кітайскаму кінэматографу», паведамляе Наша Ніва.
Супрацоўніца бібліятэкі зрабіла хуліганам заўвагу, але ў адказ пачула брыдкую лаянку.
Адна з наведвальніц бібліятэкі зьвярнулася да аховы. «Падлеткі паводзілі сябе даволі паслухмяна. Пачакалі міліцыянта, які праверыў у іх дакумэнты і зрабіў вымову», — расказала яна.
У старэйшага, атлета, пры сабе было некалькі расейскіх пашпартоў. У меншага, самбіста, дакумэнтаў пры сабе не аказалася. Аднак на поясе вісела сумка з надпісам «я русский». Па словах 12-гадовага падлетка, ён толькі вярнуўся зь месячнай вандроўкі ў Санкт-Пецярбург і вырашыў зь сябрам наведаць Нацыянальную бібліятэку. Тут яны былі ўпершыню.
Хлопцы не змаглі патлумачыць свае паводзіныі. «Яны адмыслова выбралі месца, у якое не глядзіць камэра. І пра гэта шматразова паўтараў самбіст. Думалі, іх ніхто не заўважыць. Аднак я заўважыла», — расказала Нашай Ніве дзяўчына, якая выклікала ахову.
Правапарушальнікі выцерлі пляўкі, аднак інфармацыйныя плякаты засталіся пашкоджаныя.
Хлопцаў адпусьцілі. Паводле начальніка службы аховы Нацыянальнай бібліятэкі, гэта першы выпадак нанясеньня шкоды маёмасьці.
Самае папулярнае
1