Міжнародная асацыяцыя геяў і лесьбіянак-філіял Эўропа (ILGA-Europe) апублікавала «вясёлкавы індэкс» — рэйтынг гамафобіі ў 49 краінах Эўропы.
Краіны атрымалі ацэнкі на шкале ад 0% (грубыя парушэньні правоў і дыскрымінацыя ЛГТБ-асобаў) да 100% (поўная пашана правоў ЛГТБ-асобаў).
Паводле гэтага рэйтынгу Беларусь апынулася га 43-м месцы (13,35%) — большы ўзровень гамафобіі экспэрты ILGA-Europe адзначылі толькі ва Ўкраіне, Манако, Турэччыне, Армэніі, Расеі і Азэрбайджане. Паводле рэйтынгу найбольш гамафобная краіна ў Эўропе — Азэрбайджан.
