Rymskaje piśmo adroźnivajecca ad kirylicy tym, što litary symetryčnyja i hladziać źleva naprava. Paradak u pryncypie mahčymy. 40% ziamlan pišuć łacinkaj, krychu mieniej — hierohlifami, arabskim piśmom, kirylicaj karystajucca 5,5%.
Biełaruskaja łacinka vydatna raspracavanaja, nie zaznała «reformy» 1933 hodu i padziełu na taraškievicu i narkamaŭku. Łacinkaj pisali Kalinoŭski, Bahuševič, vychodziła mnostva knih i peryjodykaŭ, u tym liku dla dziaciej i škoły. Siońnia, u časy «русского мира», kali kirylica stanovicca adnym ź jaho raspaznavalnych znakaŭ, kali alternatyvaj imperyi moža być tolki Eŭropa, biełaruskaja łacinka abiacaje stać znakam paratunku dla nacyi i movy. Zachodniaja cyvilizacyja piša łacinkaj. Biełaruskuju łacinku padkazvaje nam pierakładčyk Google.
Šanoŭnyja čytačy, u hetaj rubrycy kožny z vas moža apublikavać svoj tekst, kali zaprapanuje cikavuju temu i ŭkładziecca ŭ 100 słovaŭ. Prysyłajcie svaje prapanovy na adras svaboda@rferl.org
