Як выглядае Ірпень праз два месяцы пасьля акупацыі расейскімі войскамі, што зайшлі зь Беларусі. ФОТА

У Ірпяні шмат рэклямных шчытоў з патрыятычнымі плякатамі – горад-герой закатаваны, але не зламаны

Да вайны элітны жылы комплекс «Ірпенскія Ліпкі» лічыўся адным з найбольш дарагіх, бо знаходзіцца ў зялёнай зоне

Але блізкасьць комплексу да вайсковага шпіталя, які стаў адной зь першых цэляў для расейцаў, фактычна вызначыла ягоны лёс. Цяпер частка дамоў не падлягае эксплюатацыі і аднаўленьню

Ад ракетных абстрэлаў у некаторых будынках засталіся толькі сьцены

На месцы прыватнага сэктару паблізу элітнага жылога комплексу засталося толькі будаўнічае сьмецьце

Мясцовыя жыхары вяртаюцца і спрабуюць выратаваць свае пашкоджаныя дамы, кватэры і рэчы

Але большасьць з таго, што было ў мірным жыцьці, цяпер перамяшчаецца на стыхійныя сьметнікі

У цэнтры гораду пачаў працаваць кірмаш, на якім пацярпелым прапануюць гуманітарную дапамогу і адзеньне

Рынак гарэў пасьля аднаго з абстрэлаў, і частку яго яшчэ забаронена наведваць

Царква Пакрова Божай Маці (Праваслаўная царква Ўкраіны) ацалела, але на сьценах засталіся сьляды ад стралковай зброі

У горадзе ўсё больш стыхійных месцаў продажу сельгаспрадукцыі і яшчэ шмат беспрытульных свойскіх жывёлін

Згарэлыя ад абстрэлаў аўтамабілі мірных жыхароў зьвезьлі ў асобнае месца. Тут цяпер шмат наведнікаў. Некаторыя шукаюць свае машыны, для іншых гэта месца памяці