Стоп-кадры тыдня, 12-18 сьнежня

Пратэст у Пяцігорску, Расея, супраць продажу лекаў, якія, паводле пратэстоўцаў, могуць выкарыстоўвацца для вытворчасьці сынтэтычных наркотыкаў.

Падрыхтоўка харчовай дапамогі для емэнцаў. Як ацэньваецца, больш за 20 мільёнаў людзей у Емэне адчувае нястачу ў харчах і рэчах першай неабходнасьці.

Загартоўка кітайскіх салдат на мяжы з Расеяй у правінцыі Хэйлунцзян.

Першыя ўгодкі крывавай атакі на школу ў Пэшавары ў Пакістане, калі баевікі Талібану забілі больш чым 150 чалавек, пераважна школьнікаў; 16 сьнежня 2015.

Шыіцкая рэлігійная школа ў Багдадзе; 15 сьнежня.

Эксгумацыя масавых пахаваньняў у Срэбраніцы, Босьнія; 15 сьнежня.

Дзяржаўны сакратар ЗША Джон Керы на закупах у МАскве; 15 сьнежня.

Фатографы дакумэнтуюць запуск расейскай ракеты "Саюз" з брытанскім, амэрыканскім і расейскім касманаўтамі; Казахстан, 15 сьнежня.

Пратэст курдаў у турэцкім горадзе Дыярбакір супраць увядзеньня камэнданцкага часу.

Вярблюды на пустэльні Самава ў Іраку.

Габрэй запальвае сьвечкі ў апошнюю ноч сьвята Ханукі ў Ерусаліме.

Косаўскія паліцыянты ў процігазавых масках падчас сэсіі косаўскага парлямэнту ў Прышціне, дзе дэпутаты апошнім часам кідаюць шашкі зь сьлезацечным газам у пратэсьце супраць пагадненьняў паміж Косавам і Сэрбіяй.

Доўма, прадмесьце Дамаску.

Пажар у Варонескім псыханэўралягічным дыспансэры 11 сьнежна, у якім загінулі 23 чалавекі.