Падзеі 8 сакавіка ў беларускай і сусьветнай гісторыі, а таксама афіша на сёньня.
Афіша
Лідэр гурту Brutto Сяргей Міхалок зьехаў зь Беларусі празь ціск КДБ — яму пагражала крымінальная справа за абразу Лукашэнкі. Пасьля падзелу гурту «Ляпіс Трубяцкі» на Brutto і Trubetskoy першыя практычна адмовіліся ад старых песень, а другія іх выконвалі разам з новым матэрыялам. У кастрычніку Сяргей Міхалок разам з гуртам Brutto даў вялікі канцэрт у Гомлі.
Менск-арэна (пр. Пераможцаў, 111).
Пачатак а 19-й гадзіне.
Квіткі каштуюць ад 30 да 60 рублёў.
Дата дня
Сёньня ў сьвеце адзначаецца Міжнародны жаночы дзень. Першы раз яго адсьвяткавалі ў 1909 годзе ў Нью-Ёрку, з ініцыятывы Сацыялістычнай партыі. У 1910 годзе рашэньнем Сацыялістычнага Інтэрнацыяналу ў Капэнгагене дзень 8 сакавіка абвясьцілі Міжнародным жаночым днём.
Таксама ў гэты дзень
1983 — прэзыдэнт ЗША Рональд Рэйган даў Савецкаму Саюзу мянушку «імпэрыя зла».
2006 — Прэзыдэнт ЗША Джордж Буш у сваім звароце з нагоды Міжнароднага жаночага дня асаблівую ўвагу зьвярнуў на лёс жанчын, якім выпала жыць у несвабодных краінах. Джордж Буш згадаў пра сустрэчу зь дзьвюма беларускімі жанчынамі, жонкамі зьніклых — Ірынай Красоўскай і Сьвятланай Завадзкай.
У гэты дзень нарадзіліся
1892 — Аляксандар Чарвякоў, дзяржаўны дзяяч БССР.
Аляксандар Чарвякоў
1917 — беларускі скульптар Сяргей Селіханаў.
Скульптурная кампазыцыя на фасадзе Палаца культуры прафсаюзаў. Скульптары А. Глебаў, С. Селіханаў, В. Папоў. Фота Віктара Ведзеня.
1954 — Андрэй Саньнікаў, беларускі палітык, кандыдат на прэзыдэнцкіх выбарах 2010 году.
Андрэй Саньнікаў
1962 — Славамір Адамовіч, беларускі паэт.
Славамір Адамовіч
У памяці
1928 — памёр Пётра Крэчэўскі, беларускі гісторык і палітычны дзяяч, прэзыдэнт Рады БНР.
Магіла Пятра Крэчэўскага на Альшанскіх могілках у Празе
2004 — памёр Міхась Наўмовіч, дзяяч беларускай эміграцыі, старшыня Беларускага згуртаваньня ў Францыі «Хаўрус» і сябра Рады БНР.