Розныя вернікі ў розных краінах, жаночы двубой, вызваленыя землі Ўкраіны. Фотаімгненьні тыдня

Мячэць у Астане напярэдадні прыезду Папы Францішка.

Спачуваньне ў сувязі са сьмерцю каралевы Лізаветы II вывесілі на браме катэджа XVIII стагодзьдзя, які належаў брытанскаму каралю Чарльзу і быў набыты празь яго дабрачынны фонд у трансыльванскай вёсцы Віскры, аб'екце Сусьветнай спадчыны ЮНЭСКА ў Румыніі.

Від на армянскае паселішча Сотк, якое, як сьцьвярджаецца, пацярпела ад азэрбайджанскага абстрэлу падчас нядаўніх памежных сутыкненьняў.

Сакура Матокі зь Японіі (зьлева) і Анастасія Нічыта з Малдовы спаборнічаюць на чэмпіянаце сьвету па барацьбе ў Бялградзе.

Людзі сабраліся на імшу, якую правёў Папа Францішак у сталіцы Казахстану Нур-Султане.

У чарзе па гуманітарную дапамогу ў нядаўна вызваленым украінскім горадзе Балаклея.

Украінскі вайсковец дапамагае параненаму аднапалчаніну на дарозе на вызваленай тэрыторыі ў Харкаўскай вобласьці Ўкраіны.

Дактары едуць у затопленыя раёны пасьля дажджоў і паводак падчас сэзону мусонаў у Пакістане.

Пажарныя на месцы расейскага ракетнага ўдару ў Харкаве.

Расейскія праваслаўныя падчас хроснага ходу ў Санкт-Пецярбургу ў гонар Аляксандра Неўскага.

Жанчына стаіць перад разбураным домам у Краматорску.

Іранскія пілігрымы ідуць у ірацкі сьвяты горад Кербала, каб прыняць удзел у шыіцкім рытуале Арбаін.

Жанчына ратуе сабачку ў Харкаве.

Могілкі мірных жыхароў і ўкраінскіх жаўнераў у вызваленым Ізюме.