«Улады сьцьвярджаюць, што забаранілі падвышаць цэны на асноўныя тавары. Ці заўважылі вы, што цэны перасталі расьці? Ці можна, на вашу думку, спыніць рост цэнаў ва ўмовах дэвальвацыі рубля?»
Your browser doesn’t support HTML5
Гарадзенцы пра цэны і дэвальвацыю
Спадарыня: «Мы ўжо нават не зьвяртаем увагі на гэта, бо цэны пастаянна растуць...»
Ейны муж: «Асабліва заўважна на адзеньне вырасьлі цэны і на харчы».
Карэспандэнт: «Ці можна, на вашу думку, спыніць рост цэнаў ва ўмовах дэвальвацыі рубля?»
Спадарыня: «Не, нельга, бо ў нас цэны будуць толькі падвышацца, а заробкаў ніхто не павялічыць. Відаць, кіраўніцтва ў нашай краіне сябе зжыло...»
Ейны муж: «Дый эканоміка таксама падыходзіць да свае кропкі...»
Спадарыня: «Не, рост цэнаў не спыніўся, а заробкі самі ведаеце якія ў нас. Іх хапае, каб толькі паесьці купіць. А даражэюць найбольш харчы — тое, што нам патрэбна кожны дзень. Дый самі людзі робяць гэты ажыятаж, курс даляра расьце. Вунь скуплялі па пяць лядоўняў, па пяць тэлевізараў...»
Спадар: «На харчы растуць, нават на хлеб і малочныя харчы».
Карэспандэнт: «Ці можна, на вашу думку, спыніць рост цэнаў ва ўмовах дэвальвацыі рубля?»
Спадар: «Не, яны могуць толькі падаражэць. Заробкі ў людзей слабыя, людзі няўпэўненыя самі ў сабе, бо сёньня такая цана, а заўтра іншая. Яны кажуць, што трымаюць на кантролі цэны, але, як відаць, гэта не дае ніякага плёну».
Спадарыня: «Вельмі заўважна вырасьлі цэны, асабліва на лекі, дый на харчовы кошык таксама. І думаю, што наўрад ці іх удасца спыніць, бо надта слабы рубель і надалей слабее заўважна».
Дзяўчына: «Вядома, цэны растуць і асабліва падняліся на харчы. Але калі б яны заставаліся на нейкім адным узроўні, то зьявіцца дэфіцыт тавараў».
Спадарыня: «Недзе ёсьць рост цэнаў, недзе гэтага не відаць».
Карэспандэнт: «Ці можна, на вашу думку, спыніць рост цэнаў ва ўмовах дэвальвацыі рубля?»
Спадарыня: «Не, немагчыма: альбо ня будзе тавараў, альбо рост цэнаў. Ніхто не захоча рабіць для сябе са стратамі».
Спадар: «Наўрад ці магчыма спыніць рост цэнаў, бо даляр расьце, паліва таксама — ну то як могуць цэны спыніцца? Пакуль будзе расьці даляр, цэны ня спыняцца».