У менскім Петрапаўлаўскім саборы праходзіць разьвітаньне зь пісьменьнікам і дасьледнікам сталінскіх рэпрэсіяў Леаніда Маракова, які пайшоў з жыцьця ва ўзросьце 58 гадоў пасьля змаганьня з пухлінай мозгу. Яго пахаваюць на менскіх Заходніх могілках.
Разьвітаньне зь Леанідам Мараковым. Фота
Пісьменьнік Аляксандр Тамковіч пра Леаніда Маракова: ён рабіў справу, якую мусіла рабіць дзяржава- захоўваў памяць пра тысячы рэпрэсаваных. pic.twitter.com/Vk9hLcjPAp
— Радыё Свабода (@svaboda) 19 декабря 2016 г.
Аляксандр Старыкевіч пра Леаніда Маракова: гэта прыклад моцнай зацятасьці, якой нам усім не стае. Тое, што Маракоў зрабіў, яшчэ не ацэненае. pic.twitter.com/pizyXRs7EX
— Радыё Свабода (@svaboda) 19 декабря 2016 г.
Статкевіч: У нечым Леанід быў сьвяты чалавек, які ахвяраваў часткай жыцьця, бізнэсам дзеля памяці. Пра майго дзеда ён таксама пацьвердзіў. pic.twitter.com/Z2AXvyNflN
— Радыё Свабода (@svaboda) 19 декабря 2016 г.
Труну перанесьлі ў цэнтар сабору, пачалася памінальная служба па Леаніду Маракову па-беларуску. pic.twitter.com/sGKjbZoX7W
— Радыё Свабода (@svaboda) 19 декабря 2016 г.
Заўпакойная служба па Леаніду Маракову. "І выйдуць тыя, хто рабіў дабро..." pic.twitter.com/MQm7S1Pvt8
— Радыё Свабода (@svaboda) 19 декабря 2016 г.
Вянок памяці. Леанід Маракоў
Інжынэр-радыёэлектронік Леанід Маракоў у 1990-я гады пачаў вывучаць біяграфію свайго роднага дзядзькі, паэта Валера Маракова, які быў расстраляны 29 кастрычніка 1937 году. Вынікам працы стала маштабнае дасьледаваньне сталінскіх рэпрэсіяў у Беларусі —10-томны энцыкляпэдычны даведнік «Рэпрэсаваныя літаратары, навукоўцы, работнікі асьветы, грамадзкія і культурныя дзеячы Беларусі. 1794–1991», дзе сабраныя зьвесткі пра 20 тысяч ахвяраў. Леанід Маракоў таксама напісаў досьлед «Ахвяры і карнікі», асобна выйшла кніга зьвестак пра рэпрэсаваных у Беларусі праваслаўных сьвятароў. У 2014 годзе выйшла ягоная манаграфія «Галоўная вуліца Мінска. 1880–1940». Акрамя навуковых дасьледаваньняў, у творчым набытку Маракова і мастацкая проза: раман «Непамяркоўныя. Трэцяя спроба», зборнікі апавяданьняў «Сшытак забітага кантрабандыста», «Яны ня ведалі».