Грамадзяне Беларусі, якія працуюць альбо жывуць за мяжой, пачалі дасылаць меней грошай сваякам на радзіму. Пра гэта сьведчыць афіцыйная статыстыка Нацыянальнага банку краіны.
Сёлета за другі квартал асабістыя пераводы беларусаў з-за мяжы склалі 151,7 мільёна даляраў, што амаль на 12% менш, чым за аналягічны пэрыяд летась. Магчыма, гэта зьвязана і са зьмяншэньнем заробкаў.
Статыстыка галоўнага банку Беларусі сьведчыць, што і беларускія грамадзяне сталі менш адпраўляць за мяжу пераводаў. Сёлета за той жа другі квартал зь Беларусі было адпраўлена 26,3 мільёна даляраў, тады як год таму адпаведная сума складала 37,1 мільёна.