Калегія Вышэйшага гаспадарчага суду пацьвердзіла ранейшую пастанову, паводле якой Беларускаму Хэльсынскаму камітэту адмовілі ў задавальненьні пазову да Савету міністраў.
Праваабаронцы патрабавалі кампэнсацыі стратаў, панесеных у выніку невыкананьня ўрадам міжнародных дагавораў у галіне тэхнічнай дапамогі.
“Суд фактычна пацьвердзіў, што Беларусь і надалей ня будзе выконваць сваіх міжнародных абавязаньняў”, – пракамэнтаваў рашэньне праваабаронца БХК Алег Гулак.