Першую пасьля апэрацыйнай рэабілітацыі сустрэчу зь вялікай аўдыторыяй лідэр незарэгістраванага Руху “За Свабоду” Аляксандар Мілінкевіч праводзіць сёньня ўвечары ў Менску.
Ягоны намесьнік Юрась Губарэвіч паведаміў нашаму Радыё:
"Наколькі я ведаю, улады дагэтуль не выдзелілі памяшканьне для сустрэчы. Але ў любым выпадку размова з менчукамі адбудзецца. Ня будзе памяшканьня, правядзем яе на сьвежым паветры. Месца збору – ля будынку адміністрацыі Першамайскага раёну".