Першую пасьля апэрацыйнай рэабілітацыі сустрэчу з вялікай аўдыторыяй лідэр незарэгістраванага Руху “За Свабоду” Аляксандар Мілінкевіч плянуе на 12 лютага ў Менску. Пра гэта нашаму Радыё паведамілі ў штабе апазыцыйнага палітыка.
З просьбаю аб выдзяленьні памяшканьня зьвярнулася да сталічных уладаў. Але адказу на зварот пакуль няма.
Аляксандар Мілінкевіч гаворыць:
"Калі ня будзе дазволу, мы ўсё роўна сустрэнемся з людзьмі – на вуліцы, у мікрараёнах, на рынках, на прыступках. Хіба ж не так было падчас выбарчых кампаніяў?!
У нас ёсьць плян паездак па рэгіёнах на два месяцы. І мы яго будзем выконваць".