Старшыня Горацкага райвыканкаму Міхаіл Анікееў адмовіўся прыняць у актывістаў антыядзернай групы подпісы пяцісот жыхароў раёну супраць будаўніцтва атамнай электрастанцыі.
Паводле актывіста антыядзернай групы Андрэя Юркова, сваю пазыцыю спадар Анікееў аргумэнтаваў тым, што пастанова пра месца будаўніцтва АЭС яшчэ не прынятая.
“Сабраныя подпісы мы дашлем у Палату прадстаўнікоў, урад Беларусі ды адміністрацыю прэзыдэнта. Збор подпісаў працягнем”, — паведаміў “Свабодзе” Андрэй Юркоў.
Адна зь меркаваных пляцовак для будаўніцтва АЭС знаходзіцца ў Горацкім раёне паблізу вёскі Кукшынава, за 15 кілямэтраў ад Горак, за 50 — ад Магілёва і за 30 кілямэтраў ад беларуска-расейскай мяжы.
Паводле афіцыйных паведамленьняў, распачаць будоўлю АЭС зьбіраюцца ўжо сёлета.