У Менску могуць адчыніць інфармацыйны цэнтар Рады Эўропы.
Пра гэта паведаміў сёньня на брыфінгу прэсавы сакратар беларускага Міністэрства замежных справаў Андрэй Папоў, адказваючы на пытаньне радыё Свабода.
Першае паведамленьне аб адкрыцьці гэтага інфармацыйнага цэнтра зьявілася ў дакладзе спэцдакладчыка па Беларусі Андрэа Рыгоні. Сёньня спадар Папоў пацьвердзіў пра гэты намер, але сказаў што пакуль можна казаць аб папярэдніх кансультацыях на гэтую тэму.
А што тычыцца адкрыцьця у Менску офіса Эўракамісіі, дык казаць аб канкрэтных тэрмінах “яшчэ рана”.