Горацкія грамадзкія актывісты сабралі больш за 200 подпісаў супраць будаўніцтва ў Горацкім раёне атамнай электрастанцыі.
Паводле горацкага журналіста Эдуарда Брокарава, актывісты вымушаныя былі прыпыніць збор подпісаў на час сьвяткаваньня калядаў і новага году. Сёньня збор подпісаў адновіцца і надалей штотыдзень будуць падводзіцца вынікі кампаніі.
“Учора на паседжаньні горацкай кааліцыі дэмакратычных сілаў мы стварылі антыядзерную групу. Яна будзе каардынаваць дзеяньні мясцовай супольнасьці ў негвалтоўным супраціве будаўніцтву АЭС у Горацкім раёне. А таксама зоймецца пошукам аднадумцаў у іншых раёнах Магілёўшчыны. Кіраўніком групы абраны пастар горацкай пратэстанцкай нефармальнай суполкі “Свабода ў Госпаду” Пётар Маланачкін, паведаміў “Свабодзе” Эдуард Брокараў.
Горацкія актывісты плянуюць сабраць 2000 подпісаў, а потым даслаць іх прэзыдэнту, старшыні ўраду, у парлямэнт ды ў Горацкі райвыканкам.
Адна зь меркаваных пляцовак будаўніцтва АЭС знаходзіцца ў Горацкім раёне паблізу вёскі Кукшынава, за 15 кілямэтраў ад Горак, за 50 — ад Магілёва і за 30 кілямэтраў ад беларуска-расейскай мяжы.
Паводле афіцыйных паведамленьняў, будаваць АЭС зьбіраюцца ўжо сёлета.
“Учора на паседжаньні горацкай кааліцыі дэмакратычных сілаў мы стварылі антыядзерную групу. Яна будзе каардынаваць дзеяньні мясцовай супольнасьці ў негвалтоўным супраціве будаўніцтву АЭС у Горацкім раёне. А таксама зоймецца пошукам аднадумцаў у іншых раёнах Магілёўшчыны. Кіраўніком групы абраны пастар горацкай пратэстанцкай нефармальнай суполкі “Свабода ў Госпаду” Пётар Маланачкін, паведаміў “Свабодзе” Эдуард Брокараў.
Горацкія актывісты плянуюць сабраць 2000 подпісаў, а потым даслаць іх прэзыдэнту, старшыні ўраду, у парлямэнт ды ў Горацкі райвыканкам.
Адна зь меркаваных пляцовак будаўніцтва АЭС знаходзіцца ў Горацкім раёне паблізу вёскі Кукшынава, за 15 кілямэтраў ад Горак, за 50 — ад Магілёва і за 30 кілямэтраў ад беларуска-расейскай мяжы.
Паводле афіцыйных паведамленьняў, будаваць АЭС зьбіраюцца ўжо сёлета.