Трохразовы чэмпіён сьвету ў кіданьні молату Іван Ціхан – лепшы спартовец Беларусі 2007 году.
Гэта вынікае з апытаньня, якое правялі Нацыянальны алімпійскі камітэт Беларусі і газэта “Спортивная панорама”. У прызавую тройку таксама ўвайшлі пяціразовая чэмпіёнка сьвету па акадэмічным веславаньні Кацярына Карстэн і прадстаўнік цяжкай атлетыкі Андрэй Рыбакоў.
Лепшай камандай Беларусі сёлета прызнана нацыянальная каманда баскетбалістак, якія ўпершыню ў гісторыі беларускага спорту заваявалі бронзавыя мэдалі эўрапейскага чэмпіянату.