Пра гэта паведаміў лідэр грамадзкага аб’яднаньня прадпрымальнікаў “Пэрспэктыва” Анатоль Шумчанка.
Паводле Шумчанкі, прадпрымальнікі страйкуюць на шэрагу менскіх рэчавых рынкаў – "Дынама”, “Ждановічы”, “Люстэрка”, “Паркінг”, “Чэрвеньскі”, “Атлантык”, “Уручча", “Экспабел”, "Эўропа", "Купалаўскі", "Рыга".
Страйк падтрымалі большасьць рэгіёнаў – Гомель, Берасьце, Магілёў, Гродна. У Магілёве дробныя гандляры выйшлі на плошчу Леніна.
Асноўныя патрабаваньні аднадзённага страйку -- адмена прэзыдэнцкага ўказу 760, які забараняе прадпрымальнікам наймаць на працу не сваякоў, спыненьне рэпрэсіяў супраць прадпрымальнікаў, сустрэча з Аляксандрам Лукашэнкам.