Алесь Дашчынскі, Менск Міліцыя і спэцслужбы праяўляюць цікавасьць да візыту Аляксандра Мілінкевіча ў Берасьце. Яны суправаджаюць дэлегацыю і вядуць відэаздымкі.
Амаль на дзьве гадзіны міліцыянты затрымалі кіроўцу і мікрааўтобус, на якім дэлегацыя разам з Аляксандрам Мілінкевічам перамяшчаецца па Берасьці. Яны ўважліва агледзелі машыну і рэчы, якія там знаходзіліся. Падазрэньне выклікалі відэакасэты з мультфільмамі “Прыгажуня ў сумным лесе”, “Папялушка” і іншымі, якія Аляксандар Мілінкевіч зьбіраецца перадаць у дзіцячы прытулак. У райаддзеле міліцыі ўсе гэтыя касэты прагледзелі, але нічога крамольнага там не знайшлі. Пасьля гэтага кіроўцу адпусьцілі, а касэты вярнулі.
Аляксандар Мілінкевіч працягвае праграму свайго візыту. Улады спрабуюць сарваць сустрэчы з адзіным кандыдатам ад дэмсілаў. Да прыкладу, ва ўнівэрсытэце імя Пушкіна сёньня ўвялі прапускную сыстэму, і нават некаторыя выкладчыкі з цяжкасьцю патрапілі на працу. Паводле выкладчыкаў, адміністрацыя напалоханая, што спадар Мілінкевіч захоча зайсьці ва ўнівэрсытэт. Нагадаем, Аляксандар Мілінкевіч плянуе сустрэцца са студэнтамі ўнівэрсытэту.
Аляксандар Мілінкевіч працягвае праграму свайго візыту. Улады спрабуюць сарваць сустрэчы з адзіным кандыдатам ад дэмсілаў. Да прыкладу, ва ўнівэрсытэце імя Пушкіна сёньня ўвялі прапускную сыстэму, і нават некаторыя выкладчыкі з цяжкасьцю патрапілі на працу. Паводле выкладчыкаў, адміністрацыя напалоханая, што спадар Мілінкевіч захоча зайсьці ва ўнівэрсытэт. Нагадаем, Аляксандар Мілінкевіч плянуе сустрэцца са студэнтамі ўнівэрсытэту.