Алег Грузьдзіловіч, Менск Дзярждэпартамэнт ЗША адмовіў ва ўездной візе ў ЗША дэпутату верхняй палаты Нацыянальнага сходу Мікалаю Чаргінцу, які зьбіраўся удзельнічаць у чарговай сэсіі генэральнай асамблеі ААН.
Як сьцьвярджае Мікалай Чаргінец, ў візе яму адмоўлена на той падставе, што год таму, прыехаўшы на сэсію ААН, ён таксама працаваў назіральнікам на выбарах прэзыдэнта ЗША. Нібыта гэта ўспрынятае як супярэчаньне мэце ягонага прыезду і патлумачана гэтак, што ён ўвёў у зман мясцовыя ўлады.
Сам беларускі палітык лічыць, што ніякага парушэньня не было. Вось што Мікалай Чаргінец распавёў пра свой ўдзел ў назіраньні за прэзыдэнцкімі выбарамі ў ЗША ў лістападзе 2004 году:
(Чаргінец: ) “Я ўдзельнічаў як афіцыйны сябра дэлегацыі АБСЭ па назіраньнях за выбарамі. Гэтыя назіраньні былі афіцыйна ўзгодненыя з Дзярждэпартамэнтам ЗША. Мне Дзярждэпам была вызначаны акруга, за якой я мусіў назіраць. І там я знаходзіўся як афіцыйны прадстаўнік АБСЭ паводле запрашэньня Дзяржаўнага дэпартамэнта ЗША. Я не выходзіў за межы назіраньня”.
Паводле Мікалая Чаргінца, амэрыканскія ўлады паквіталіся зь ім за тую крытыку на іх адрас, якую ён выказаў на сэсіі генэральнай асамблеі ААН і пазьней адносна выбарчай сыстэмы ЗША. У ААН Мікалай Чаргінец выказаўся супроць эканамічнай блякады Кубы і абверг крытычныя заявы ў галіне правоў чалавека на адрас беларускага кіраўніцтва.
Пасьля вяртаньня з ЗША спадар Чаргінец крытыкаваў выбарчую сыстэму гэтай краіны і выказаўся ў падтрымку жыхароў Вашынгтону, якія зьвярнуліся да яго падчас змаганьня за свае выбарчыя правы.
(Чаргінец: ) “Такім чынам, жыхары сталіцы ЗША пазбаўленыя права выбіраць свайго прэзыдэнта. І мне як прадстаўніку АБСЭ перадалі зварот ад грамадзкай арганізацыі на гэты конт ў самой мэрыі Вашынгтону. У прысутнасьці кіраўнікоў мэрыі і гэтай грамадзкай арганізацыі. Скажыце, ў чым можа быць мая віна?”
Мікалай Чаргінец не ўдакладніў, якая грамадзкая арганізацыя з Вашынгтону папрасіла ягонай дапамогі. Адмову ў амэрыканскай візе беларускі палітык ня лічыць для сябе “жалобнай падзеяй”.
(Чаргінец: ) “Гэта яшчэ раз дэманструе падыход ўладаў ЗША да дэмакратыі”.
У амбасадзе ЗША ў Беларусі не ўдалося атрымаць камэнтару да адмовы ў візе Мікалаю Чаргінцу. Там паведамілі, што візавыя пытаньні не камэнтуюць.
***
Беларускія палітыкі не ўпершыню сустракаюцца з забаронай на ўезд у іншыя краіны. Дагэтуль дзейнічае забарона на ўезд у краіны Эўразьвязу высокапастаўленых чыноўнікаў, якія маюць дачыненьні да рэпрэсіяў супраць апазыцыі і фальшаваньня вынікаў мінулых выбараў. У сьпісе неўяздных Віктар Шэйман, Уладзімер Навумаў, Юры Сівакоў, Дзьмітры Паўлічэнка, Юрый Падабед, Лідзія Ярмошына. Урад ЗША заяўляў, што далучаецца да гэтай забароны.
Сам беларускі палітык лічыць, што ніякага парушэньня не было. Вось што Мікалай Чаргінец распавёў пра свой ўдзел ў назіраньні за прэзыдэнцкімі выбарамі ў ЗША ў лістападзе 2004 году:
(Чаргінец: ) “Я ўдзельнічаў як афіцыйны сябра дэлегацыі АБСЭ па назіраньнях за выбарамі. Гэтыя назіраньні былі афіцыйна ўзгодненыя з Дзярждэпартамэнтам ЗША. Мне Дзярждэпам была вызначаны акруга, за якой я мусіў назіраць. І там я знаходзіўся як афіцыйны прадстаўнік АБСЭ паводле запрашэньня Дзяржаўнага дэпартамэнта ЗША. Я не выходзіў за межы назіраньня”.
Паводле Мікалая Чаргінца, амэрыканскія ўлады паквіталіся зь ім за тую крытыку на іх адрас, якую ён выказаў на сэсіі генэральнай асамблеі ААН і пазьней адносна выбарчай сыстэмы ЗША. У ААН Мікалай Чаргінец выказаўся супроць эканамічнай блякады Кубы і абверг крытычныя заявы ў галіне правоў чалавека на адрас беларускага кіраўніцтва.
Пасьля вяртаньня з ЗША спадар Чаргінец крытыкаваў выбарчую сыстэму гэтай краіны і выказаўся ў падтрымку жыхароў Вашынгтону, якія зьвярнуліся да яго падчас змаганьня за свае выбарчыя правы.
(Чаргінец: ) “Такім чынам, жыхары сталіцы ЗША пазбаўленыя права выбіраць свайго прэзыдэнта. І мне як прадстаўніку АБСЭ перадалі зварот ад грамадзкай арганізацыі на гэты конт ў самой мэрыі Вашынгтону. У прысутнасьці кіраўнікоў мэрыі і гэтай грамадзкай арганізацыі. Скажыце, ў чым можа быць мая віна?”
Мікалай Чаргінец не ўдакладніў, якая грамадзкая арганізацыя з Вашынгтону папрасіла ягонай дапамогі. Адмову ў амэрыканскай візе беларускі палітык ня лічыць для сябе “жалобнай падзеяй”.
(Чаргінец: ) “Гэта яшчэ раз дэманструе падыход ўладаў ЗША да дэмакратыі”.
У амбасадзе ЗША ў Беларусі не ўдалося атрымаць камэнтару да адмовы ў візе Мікалаю Чаргінцу. Там паведамілі, што візавыя пытаньні не камэнтуюць.
***
Беларускія палітыкі не ўпершыню сустракаюцца з забаронай на ўезд у іншыя краіны. Дагэтуль дзейнічае забарона на ўезд у краіны Эўразьвязу высокапастаўленых чыноўнікаў, якія маюць дачыненьні да рэпрэсіяў супраць апазыцыі і фальшаваньня вынікаў мінулых выбараў. У сьпісе неўяздных Віктар Шэйман, Уладзімер Навумаў, Юры Сівакоў, Дзьмітры Паўлічэнка, Юрый Падабед, Лідзія Ярмошына. Урад ЗША заяўляў, што далучаецца да гэтай забароны.