НЬЮ-ЁРК. Каардынатар ААН у гуманітаных пытаньнях Ян Вандэрмартэле заявіў пра неабходнасьць да пачатку зімы рэзка ўзмацніць намаганьні ў дапамозе пацярпелым ад разбуральнага землятрусу ў Пакістане. Ён вітаў рашэньне НАТО накіраваць у Пакістан тысячу вайскоўцаў і невялікую дадатковую партыю гелікоптэраў, але дадаў, што паветранага транспарту для дастаўкі дапамогі і вывазу параненых з зоны бяды, як і раней, не хапае. Многія населеныя пункты Пакістану ўсё яшчэ адрэзаныя ад зьнешняга сьвету, бо дарогі да іх заваленыя. Колькасьць ахвяраў землятрусу ўжо складае болей як 51 тысячу чалавек.
