КАБУЛ. Рада Бясьпекі ААН працягнула мандат міжнароднага кантынгенту у Аўганістане, якім кіруе НАТА. 11-тысячны кантынгент застанецца ў краіне яшчэ на год, да кастрычніка 2006 г. Тымчасам аўгаскі прэзыдэнт Хамід Карзай заклікаў аўганцаў падтрымаць “чэсных кандыдатаў у дэпутаты” на выбарах у наступную нядзелю. Карзай заклікаў міжнародную супольнасьць падтрымаць ягоную краіну. Вядома, што выбарчыя камісіі, арганізаваныя ААН, адпрэчылі 45 кандыдатаў у парлямэнт з-за іх прыналежнасьці да ўзброеных груповак.
