ВАШЫНГТОН. ЗША заклікалі іншыя краіны разгледзець ядзерную праграму Ірану на Радзе Бясьпекі ААН і прымяніць санкцыі да гэтай краіны. Намесьнік Дзяржсакратара Нікалас Бёрнс папярэдзіў пра магчымыя санкцыі, калі Іран не замарозіць працу па стварэньні ядзернага паліва, якая, на думку ЗША, ёсьць часткай праграмы стварэньня Іранам ядзернай зброі. Іран адпрэчвае абвінавачаньні і гаворыць пра выключна мірны характар свае ядзернай праграмы.
