ЭР-РЫЯД: Савудаўскія клірыкі, плямённыя старшыні і афіцыйныя прадстаўнікі заявілі аб сваёй лаяльнасьці новаму каралю краіны Абдулы. Афіцыйная цырымонія ўступленьня Абдулы на каралеўскі трон распачалася сёньня ў каралеўскім палацы і працягнецца да заўтра. Учора быў пахаваны кароль Фахд, які кіраваў Савудаўскай Арабіяй цягам 23 гадоў. У Эр-Рыяд увесь час прыбываюць замежныя прадстаўнікі, каб ушанаваць памяць караля Фахда і сустрэцца зь ягоным пераймальнікам.
