ЕРУЗАЛІМ. Ізраільскі прэм’ер–міністар Арыэль Шарон сёньня ўвечары паведаміў палестынскаму лідэру Махмуду Абасу, што Ізраіль перадасьць гарады Бэтлеем і Калькілья, што знаходзяцца на Заходнім Беразе, пад кантроль палестынцаў цягам двух тыдняў. Шарон таксама сказаў Абасу, што палестынцы могуць рыхтаваць да адкрыцьця аэрапорт і будаваць марскі порт у Паласе Газы. Між тым пытаньне аб вызваленьні большай колькасьці палестынскіх вязьняў з ізраільскіх вязьніцаў будзе абмеркаванае пазьней.
