Любоў Лунёва, Менск Акцыя супраць зьмяненьня назваў праспэктаў Машэрава і Скарыны сёньня была праведзеная паводле новай тактыкі – удзельнікі разьдзяліліся на некалькі групаў і праводзілі акцыю ў тры этапы.
А 6-й вечара некалькі дзесяткаў сяброў розных апазыцыйных палітычных партыяў сабраліся ля будынку Акадэміі тэатра і мастацтва. Сярод іх былі лідэр БНФ Вінцук Вячорка і лідэр Аб’яднанай грамадзянскай партыі Анатоль Лябедзька. Празь некалькі хвілінаў побач зь імі спыніўся аўтобус. Адтуль выйшлі амонаўцы і адразу пачалі выціскаць людзей у двор інтэрнату акадэміі. У гэты час апазыцыянэры раздавалі мінакам улёткі. Амонаўцы вырывалі іх з рук і, таму мінакі хапалі ўлёткі і хутка адыходзілі ў бок.
Гаворыць Вінцук Вячорка:
(Вячорка: ) “Мы абавязкова павінны быць там, дзе шмат людзей, у месцах перасадак людзей, калі тыя вяртаюцца з працы. Гэтым тлумачыцца зьмена месцаў. Апроч таго, чым далей, тым больш нам удаецца мабілізаваць актывістаў на нашы акцыі. Таму сёньняшняя акцыя двуххвалёвая. Мы выканалі ролю першаснай, так бы мовіць, нажыўкі, а ўсьлед за намі выходзіць вялікая група моладзі ля кінатэатра “Кастрычнік”.”
Калі амонаўцы ўбачылі, што журналісты сыходзяць, дык яны адразу пайшлі за імі. З боку гэта выглядала крыху камічна. Калі журналісты спыняліся, амонаўцы таксама спыняліся і пачыналі зь цікавасьцю разглядаць альбо свае боты, альбо будынкі.
Другая група апазыцыянэраў, пераважна моладзь, знаходзілася ля будынку кінатэатра “Кастрычнік”. Пакуль амонаўцы выціскалі людзей ад Акадэміі мастацтва, яны раздавалі мінакам інфармацыйныя бюлетэні. Калі да іх падышлі прадстаўнікі міліцэйскага кіраўніцтва Савецкага раёну і амонаўцы, улётак ужо не засталося. Маладыя людзі папросту стаялі і не разыходзіліся. Як яны потым патлумачылі Радыё Свабода, яны адцягвалі на сябе ўвагу міліцыянтаў.
Справа ў тым, што на плошчы Якуба Коласа каля сарака чалавек сталі жывым ланцугом з партрэтамі Пятра Машэрава і Францыска Скарыны. Яшчэ некалькі чалавек раздавалі мінакам улёткі. Ім удалося пратрымацца амаль з паўгадзіны. Разгубленыя супрацоўнікі патрульна-паставой службы выклікалі сваіх калегаў з аддзелу грамадзкай бясьпекі. Яны затрымалі аднаго студэнта, які атрымаў з рук пікетоўцаў улётку. На пытаньне журналістаў: “За што?”, яны адказалі: “А ня трэба было браць”.
Хлопцы не сталі чакаць, пакуль на плошчу прыедуць амонаўцы. Яны хутка пайшлі па праспэкце Францыска Скарыны да будынку КДБ з партрэтамі ў руках…
Хлопцы паведамілі, што акцыі будуць адбывацца кожны панядзелак і аўторак. Тактыка правядзеньня акцыяў будзе мяняцца, каб даць магчымасьць давесьці інфармацыю да як мага большай колькасьці менчукоў.
Фотарэпартаж:
Гаворыць Вінцук Вячорка:
(Вячорка: ) “Мы абавязкова павінны быць там, дзе шмат людзей, у месцах перасадак людзей, калі тыя вяртаюцца з працы. Гэтым тлумачыцца зьмена месцаў. Апроч таго, чым далей, тым больш нам удаецца мабілізаваць актывістаў на нашы акцыі. Таму сёньняшняя акцыя двуххвалёвая. Мы выканалі ролю першаснай, так бы мовіць, нажыўкі, а ўсьлед за намі выходзіць вялікая група моладзі ля кінатэатра “Кастрычнік”.”
Калі амонаўцы ўбачылі, што журналісты сыходзяць, дык яны адразу пайшлі за імі. З боку гэта выглядала крыху камічна. Калі журналісты спыняліся, амонаўцы таксама спыняліся і пачыналі зь цікавасьцю разглядаць альбо свае боты, альбо будынкі.
Другая група апазыцыянэраў, пераважна моладзь, знаходзілася ля будынку кінатэатра “Кастрычнік”. Пакуль амонаўцы выціскалі людзей ад Акадэміі мастацтва, яны раздавалі мінакам інфармацыйныя бюлетэні. Калі да іх падышлі прадстаўнікі міліцэйскага кіраўніцтва Савецкага раёну і амонаўцы, улётак ужо не засталося. Маладыя людзі папросту стаялі і не разыходзіліся. Як яны потым патлумачылі Радыё Свабода, яны адцягвалі на сябе ўвагу міліцыянтаў.
Справа ў тым, што на плошчы Якуба Коласа каля сарака чалавек сталі жывым ланцугом з партрэтамі Пятра Машэрава і Францыска Скарыны. Яшчэ некалькі чалавек раздавалі мінакам улёткі. Ім удалося пратрымацца амаль з паўгадзіны. Разгубленыя супрацоўнікі патрульна-паставой службы выклікалі сваіх калегаў з аддзелу грамадзкай бясьпекі. Яны затрымалі аднаго студэнта, які атрымаў з рук пікетоўцаў улётку. На пытаньне журналістаў: “За што?”, яны адказалі: “А ня трэба было браць”.
Хлопцы не сталі чакаць, пакуль на плошчу прыедуць амонаўцы. Яны хутка пайшлі па праспэкце Францыска Скарыны да будынку КДБ з партрэтамі ў руках…
Хлопцы паведамілі, што акцыі будуць адбывацца кожны панядзелак і аўторак. Тактыка правядзеньня акцыяў будзе мяняцца, каб даць магчымасьць давесьці інфармацыю да як мага большай колькасьці менчукоў.
Фотарэпартаж: