МАНАКА. Тут сёньня адбылася цырымонія разьвітаньня з прынцам Рэнье, які пайшоў з жыцьця 6 красавіка на 82 годзе жыцьця. У катэдральным саборы прайшла разьвітальная імша, на якой прысутнічалі лідэры многіх краінаў, прадстаўнікі каралеўскіх дынастыяў. Рэнье, які кіраваў больш за ўсіх іншых манархаў Эўропы – 56 гадоў, будзе пахаваны ў сямейным склепе побач з жонкай, зоркай Галівуду Грэйс Кэлі, якая загінула ў 1982 годзе.
