ПРАГА. У Чэхіі працягваецца палітычны крызыс. Учора ўвечары кіраўніцтва сацыял-дэмакратычнай партыі, якую ўзначальвае прэм’ер-міністар Станіслаў Грос адрынула дасягнуты раней кампраміс паміж трыма партыямі ў справе фармаваньня новага ўраду. У адпаведнасьці з дамоўленасьцю, Грос павінен быў пайсьці ў адстаўку. Палітычны крызыс у Чэхіі пачаўся пасьля таго, як кіраўнік ураду аказаўся датычны да карупцыйнага скандалу.
