Ігар Карней, Менск Лідэр прадпрымальніцкага аб’яднаньня “Пэрспэктыва” Анатоль Шумчанка, затрыманы напярэдадні за распаўсюд улётак з заклікам выйсьці на агульнарэспубліканскі страйк, асуджаны на 10 сутак арышту. Суд над Шумчанкам праходзіў за зачыненымі дзьвярыма, наўпрост у менскім прыёмніку-разьмеркавальніку на вуліцы Акрэсьціна. Калегі асуджанага перакананыя: улады ізалявалі аднаго зь лідэраў прадпрымальніцкага руху на час страйкаў.
Цягам першай паловы дня ня толькі журналісты, але нават адвакат Анатоля Шумчанкі безвынікова спрабавалі высьветліць — дзе ўрэшце адбудзецца суд?
Але пазьней стаў вядомы маршрут, якім Шумчанку ўсю раніцу вазілі па Менску. Расказвае адвакат прадпрымальніка Аляксандар Галіеў:
(Галіеў: ) “З прыёмніка на Акрэсьціна яго павезьлі ў суд Цэнтральнага раёну. З суду — да судзьдзі на вуліцы Арлоўскай, 24. А адтуль — зноў на Акрэсьціна. Іншымі словамі, да пачатку разгляду справы ён ужо зноў быў на Акрэсьціна”.
Нягледзячы на тое, што Адміністрацыйны кодэкс не дазваляе праводзіць судовыя паседжаньні ў закрытым рэжыме, суд над Шумчанкам праходзіў без удзелу ня толькі прэсы, а нават сьведкаў.
Працягвае Аляксандар Галіеў:
(Галіеў: ) “Пра аб’ектыўнасьць казаць наагул не выпадае. Па ўсіх заяўленых хадайніцтвах нам было адмоўлена, нават пра выклік сьведкаў, якія сьведчылі супраць Шумчанкі. Таксама адмовілі ў выкліку сьведкаў, якіх называлі мы. У выніку суд абмежаваўся заслухоўваньнем толькі самога Шумчанкі”.
У выніку судзьдзя Быкаў прысудзіў Анатолю Шумчанку 10 сутак адміністрацыйнага арышту: як кажа адвакат Галіеў, гэта максымальнае пакараньне ў такой сытуацыі.
Калегі асуджанага перакананыя: уладам, перадусім, запатрабавалася ізаляваць аднаго зь лідэраў прадпрымальніцкага руху на час актыўнасьці індывідуальных прадпрымальнікаў.
Маўляў, безь яскравых лідэраў супраціў затухне. Гаворыць Аляксандар Галіеў:
(Галіеў: ) “Так, 10 сутак яго на волі ня будзе, але іншае пытаньне — каму гэта прынесла хоць нейкую карысьць?”
Як апавёў спадар Галіеў, пастанова судзьдзі ў адміністрацыйнай справе зьяўляецца канчатковай і абскарджаньню ў парадку вытворчасьці не падлягае. Аднак падобнае рашэньне можа быць абскарджанае ў наглядным парадку на адрас пракурора ці старшыні Менскага гарадзкога суду. Якраз гэтым абарона Шумчанкі і зьбіраецца заняцца.
Але пазьней стаў вядомы маршрут, якім Шумчанку ўсю раніцу вазілі па Менску. Расказвае адвакат прадпрымальніка Аляксандар Галіеў:
(Галіеў: ) “З прыёмніка на Акрэсьціна яго павезьлі ў суд Цэнтральнага раёну. З суду — да судзьдзі на вуліцы Арлоўскай, 24. А адтуль — зноў на Акрэсьціна. Іншымі словамі, да пачатку разгляду справы ён ужо зноў быў на Акрэсьціна”.
Нягледзячы на тое, што Адміністрацыйны кодэкс не дазваляе праводзіць судовыя паседжаньні ў закрытым рэжыме, суд над Шумчанкам праходзіў без удзелу ня толькі прэсы, а нават сьведкаў.
Працягвае Аляксандар Галіеў:
(Галіеў: ) “Пра аб’ектыўнасьць казаць наагул не выпадае. Па ўсіх заяўленых хадайніцтвах нам было адмоўлена, нават пра выклік сьведкаў, якія сьведчылі супраць Шумчанкі. Таксама адмовілі ў выкліку сьведкаў, якіх называлі мы. У выніку суд абмежаваўся заслухоўваньнем толькі самога Шумчанкі”.
У выніку судзьдзя Быкаў прысудзіў Анатолю Шумчанку 10 сутак адміністрацыйнага арышту: як кажа адвакат Галіеў, гэта максымальнае пакараньне ў такой сытуацыі.
Калегі асуджанага перакананыя: уладам, перадусім, запатрабавалася ізаляваць аднаго зь лідэраў прадпрымальніцкага руху на час актыўнасьці індывідуальных прадпрымальнікаў.
Маўляў, безь яскравых лідэраў супраціў затухне. Гаворыць Аляксандар Галіеў:
(Галіеў: ) “Так, 10 сутак яго на волі ня будзе, але іншае пытаньне — каму гэта прынесла хоць нейкую карысьць?”
Як апавёў спадар Галіеў, пастанова судзьдзі ў адміністрацыйнай справе зьяўляецца канчатковай і абскарджаньню ў парадку вытворчасьці не падлягае. Аднак падобнае рашэньне можа быць абскарджанае ў наглядным парадку на адрас пракурора ці старшыні Менскага гарадзкога суду. Якраз гэтым абарона Шумчанкі і зьбіраецца заняцца.