Валер Каліноўскі, Менск Памочніца прэзыдэнта ЗША па нацыянальнай бясьпецы Кандаліза Райс падчас разгляду яе кандыдатуры на пасаду дзяржсакратара ў Сэнаце заявіла пра Беларусь як пра адзін з шасьці “фарпостаў тыраніі” — разам з Іранам, КНДР, Бірмай, Кубай, Зымбабвэ. Беларускія палітыкі камэнтуюць заяву Кандалізы Райс пра Беларусь як “фарпост тыраніі”.
Паводле спадарыні Райс, ЗША зьбіраюцца пільна сачыць за гэтымі рэжымамі і станавіцца на абарону тых, каго ўціскаюць у гэтых краінах. Гэтая заява выклікала апэратыўную рэакцыю МЗС Беларусі, які ўжо назваў ацэнкі спадарыні Райс “вельмі далёкімі ад рэчаіснасьці”, пабудаванымі на “ілжывых стэрэатыпах і забабонах”. Заўважылі заяву спадарыні Райс і беларускія палітыкі.
Дэпутат Палаты прадстаўнікоў Вольга Абрамава лічыць заяву Кандалізы Райс неадэкватнай беларускай рэальнасьці:
(Абрамава: ) “У Беларусі існуе жорсткі аўтарытарны рэжым. Пэрыядамі ён становіцца крыху мякчэйшым, пэрыядамі — больш жорсткім. Гэта аўтарытарны рэжым, але ён ніяк не датычыць тыраніі. Трэба, напэўна, лепей глядзець падручнікі паліталёгіі”.
Вольга Абрамава лічыць, што на фоне такіх заяваў нармальнага дыялёгу паміж беларускімі і амэрыканскімі ўладамі ня будзе.
Лідэр БНФ Вінцук Вячорка ня лічыць вызначэньне беларускага рэжыму як тыраніі перабольшваньнем.
(Вячорка: ) “Думаю, што трэба зыходзіць з цывілізацыйнай прыналежнасьці беларусаў як народу. Мы належым да эўрапейскай, эўраатлянтычнай цывілізацыі, а ў яе коле мець такую ўладу, якую мы маем цяпер, ганебна. Тое, што некаму было б даравальна ў іншых рэгіёнах сьвету, дзе сучаснае паняцьце дэмакратыі зьявілася толькі ў 20 стагодзьдзі, можа, недзе гэта было б прымальна, але ня ў нас, не ў дзяржаве, дзе выбарнасьць, справаздачнасьць і зьмяняльнасьць улады былі вядомыя яшчэ з раньняга сярэднявечча”.
Былы дэпутат беларускага парлямэнту Іван Пашкевіч заяву Кандалізы Райс ставіць у адзін шэраг зь іншымі падзеямі, у тым ліку прыняцьцем “Акту аб дэмакратыі ў Беларусі”, забаронай на ўезд у Эўразьвяз для шэрагу беларускіх чыноўнікаў. Цяпер адносіны да беларускіх уладаў будуць больш жорсткімі, перакананы Іван Пашкевіч.
(Пашкевіч: ) “Заяваў і дакумэнтаў у адносінах да Беларусі было прынята вельмі шмат, і я лічу, што цяпер настаў час, калі трэба плаціць па рахунках”.
Былы намесьнік міністра замежных справаў Андрэй Саньнікаў словы Кандалізы Райс акрэсьлівае як пазыцыю новай адміністрацыі ЗША ў адносінах да Беларусі. Спадар Саньнікаў кажа пра заклапочанасьць Кандалізы Райс як новага дзяржсакратара ЗША падзеямі на постсавецкай прасторы. А лідэр АГП Анатоль Лябедзька нагадвае пра ранейшую спэцыяльнасьць Кандалізы Райс як саветоляга, што дадаткова будзе стымуляваць яе ўвагу да краінаў былога СССР.
Дэпутат Палаты прадстаўнікоў Вольга Абрамава лічыць заяву Кандалізы Райс неадэкватнай беларускай рэальнасьці:
(Абрамава: ) “У Беларусі існуе жорсткі аўтарытарны рэжым. Пэрыядамі ён становіцца крыху мякчэйшым, пэрыядамі — больш жорсткім. Гэта аўтарытарны рэжым, але ён ніяк не датычыць тыраніі. Трэба, напэўна, лепей глядзець падручнікі паліталёгіі”.
Вольга Абрамава лічыць, што на фоне такіх заяваў нармальнага дыялёгу паміж беларускімі і амэрыканскімі ўладамі ня будзе.
Лідэр БНФ Вінцук Вячорка ня лічыць вызначэньне беларускага рэжыму як тыраніі перабольшваньнем.
(Вячорка: ) “Думаю, што трэба зыходзіць з цывілізацыйнай прыналежнасьці беларусаў як народу. Мы належым да эўрапейскай, эўраатлянтычнай цывілізацыі, а ў яе коле мець такую ўладу, якую мы маем цяпер, ганебна. Тое, што некаму было б даравальна ў іншых рэгіёнах сьвету, дзе сучаснае паняцьце дэмакратыі зьявілася толькі ў 20 стагодзьдзі, можа, недзе гэта было б прымальна, але ня ў нас, не ў дзяржаве, дзе выбарнасьць, справаздачнасьць і зьмяняльнасьць улады былі вядомыя яшчэ з раньняга сярэднявечча”.
Былы дэпутат беларускага парлямэнту Іван Пашкевіч заяву Кандалізы Райс ставіць у адзін шэраг зь іншымі падзеямі, у тым ліку прыняцьцем “Акту аб дэмакратыі ў Беларусі”, забаронай на ўезд у Эўразьвяз для шэрагу беларускіх чыноўнікаў. Цяпер адносіны да беларускіх уладаў будуць больш жорсткімі, перакананы Іван Пашкевіч.
(Пашкевіч: ) “Заяваў і дакумэнтаў у адносінах да Беларусі было прынята вельмі шмат, і я лічу, што цяпер настаў час, калі трэба плаціць па рахунках”.
Былы намесьнік міністра замежных справаў Андрэй Саньнікаў словы Кандалізы Райс акрэсьлівае як пазыцыю новай адміністрацыі ЗША ў адносінах да Беларусі. Спадар Саньнікаў кажа пра заклапочанасьць Кандалізы Райс як новага дзяржсакратара ЗША падзеямі на постсавецкай прасторы. А лідэр АГП Анатоль Лябедзька нагадвае пра ранейшую спэцыяльнасьць Кандалізы Райс як саветоляга, што дадаткова будзе стымуляваць яе ўвагу да краінаў былога СССР.