БЭРЛІН. Нямецкі прэзыдэнт Хорст Кёлер падпісаў закон, паводле якога паветраныя сілы змогуць зьбіваць скрадзеныя самалёты, калі гэта загадае фэдэральны ўрад. Прэзыдэнт сказаў пры гэтым, што ён мае сур’ёзныя засьцярогі адносна закону і хоча, каб яго вывучыў фэдэральны Канстытуцыйны суд. Ініцыятарам законапраекту стаў урад Гэрхарда Шродэра пасьля тэрарыстычных нападаў у ЗША 11 верасьня 2001 году.
