ТБІЛІСІ. Прэзыдэнт Грузіі Міхаіл Саакашвілі запатрабаваў пакараць 60 жаўнераў, якія два дні таму пакінулі казармы ў горадзе Міхравані і падаліся ў Тбілісі, каб пратэставаць супраць дрэнных умоваў жыцьця. Пракуроры ўчора дапыталі міжвольных дэзэртыраў. Прадстаўнік Міністэрства абароны Іраклі Сэзыяшвілі на знак пратэсту супраць пакараньня салдат сыйшоў у адстаўку. Міхаіл Саакашвілі паабяцаў палепшыць умовы жыцьця вайскоўцаў.
