Юрась Бушлякоў, Менск Новая перадача сэрыі "Жывая мова".
Беларускія мэдыі апавядаюць пра мітынгоўцаў на кіеўскім Пляцы незалежнасьці, наагул ува ўсёй Украіне. Добрае, патрэбнае слова мітынговец. Той, хто выйшаў на мітынг, хто мітынгуе, – мітынговец. Таксама як, скажам, удзельнік страйку – страйковец. Аднак часам пры называньні па-беларуску чалавека, што мітынгуе або страйкуе, ідуць ад расійскіх формаў на -ющ, капіююць іх і ўжываюць у назоўнікавай ролі словы мітынгуючы, страйкуючы.
Ня варта так рабіць. У нашай мове ёсьць цэлы шэраг звычайных, традыцыйных, з тыповай структураю, назоўнікаў, якія якраз і адпавядаюць формам дзеепрыметнікавай будовы ў іншых мовах, скажам, у расійскай. Напрыклад, той, хто верыць, – вернік, хто выступае, – выступовец, хто нападае, – нападнік. І менавіта назоўнікам мітынговец акадэмічны расійскі-беларускі слоўнік перакладае расійскае митингующий. Поруч зь мітынгоўцам у сучасным маўленьні здараюцца й словы мітынгоўшчык і мітынгант. Пры гэтым, у адрозьненьне ад нэўтральнага мітынгоўца, размоўныя назоўнікі мітынгоўшчык і мітынгант звычайна нясуць ацэнку, крытычна-асуджальнае адценьне. Калі ж мы проста канстатуем, што той або іншы чалавек бярэ ўдзел у мітынгу, варта выбіраць назоўнік мітынговец. Скажам, да прыкладу, што гэтымі днямі сотні тысяч мітынгоўцаў ва Ўкраіне адстойваюць свой выбар, сваё права на сумленныя выбары.
Ня варта так рабіць. У нашай мове ёсьць цэлы шэраг звычайных, традыцыйных, з тыповай структураю, назоўнікаў, якія якраз і адпавядаюць формам дзеепрыметнікавай будовы ў іншых мовах, скажам, у расійскай. Напрыклад, той, хто верыць, – вернік, хто выступае, – выступовец, хто нападае, – нападнік. І менавіта назоўнікам мітынговец акадэмічны расійскі-беларускі слоўнік перакладае расійскае митингующий. Поруч зь мітынгоўцам у сучасным маўленьні здараюцца й словы мітынгоўшчык і мітынгант. Пры гэтым, у адрозьненьне ад нэўтральнага мітынгоўца, размоўныя назоўнікі мітынгоўшчык і мітынгант звычайна нясуць ацэнку, крытычна-асуджальнае адценьне. Калі ж мы проста канстатуем, што той або іншы чалавек бярэ ўдзел у мітынгу, варта выбіраць назоўнік мітынговец. Скажам, да прыкладу, што гэтымі днямі сотні тысяч мітынгоўцаў ва Ўкраіне адстойваюць свой выбар, сваё права на сумленныя выбары.