МЭХІКА. ААН заявіла, што праблема перамяшчэньня насельніцтва, якое пачалося напрыканцы ХХ ст., ня мае вырашэньня. Аднак выпрацоўка празрыстых і выразных правілаў прыбыцьця і знаходжаньня мігрантаў дапамагла б атрымаць істотныя выгады ад міграцыі. Перамяшчэньне, ў прыватнасьці, грае вялікую ролю ў вырашэньні дэмаграфічных праблемаў у краінах Эўразьвязу, дзе насельніцтва у пэрыяд з 1995 да 2000 гг. істотна зьменшылася б без імігрантаў. Падчас таго ж самага пэрыяду ў ЗША і Канадзе прырост насельніцтва на 43% складаўся з імігрантаў. ААН заяўляе, што законнасьць і павага да правоў чалавека дапамогуць зьнізіць гандаль людзьмі і кантрабанду мігрантаў.
