Валянцні Аксак, Менск У Літаратурным музэі Максіма Багдановіча адчынілася выстава знанага скульптара сябра творчае суполкі “Пагоня” Алеся Шатэрніка.
У цэнтры выставачнай залі бронзавы Максім Багдановіч cа сшыткам на каленях сумна аглядае навакольле. Скульптура паэта зробленая дваццаць гадоў таму, але ўкладзены ў яе роздум мастака аб лёсе радзімы ў гэтую трывожную восень набывае дадатковы сэнс. Як, зрэшты, і іншыя 14 камэрных кампазыцыяў знанага сваім тонкім псыхалягізмам скульптара. Які ў апошнія гады захапіўся і жывапісам. У экспазыцыі — 33 алейныя палотны, гэта пераважна краявіды, сярод якіх вылучаюцца два, напісаныя на Вушаччыне падчас сёлетняга пленэру, прысьвечанага 80-годзьдзю Васіля Быкава. Вось як патлумачыў іх нашаму радыё аўтар:
(Шатэрнік: ) “Я зрабіў два этуды — “Горнае возера на Вушаччыне раніцай” і “Горнае возера на Вушаччыне ўвечары”. Гэта радзіма Васіля Быкава. Стаўленьне Васіля Быкава да тых падзеяў, якія цяпер адбываюцца ў Беларусі, усім вядомае. І працы мае як бы ў падсьвядомасьці гэтае стаўленьне абуджаюць — раніца і вечар”.
Але агульны настрой, які выклікае выстава Алеся Шатэрніка, прысьвечаная 40-годзьдзю ягонай творчай дзейнасьці й названая “Барвы восені”, сьветлы. Сам аптыміст па натуры Алесь Шатэрнік хоча выклікаць жыцьцясьцьвярджальныя эмоцыі і ў сваіх гледачоў.
(Шатэрнік: ) “Ня хочацца думаць пра кепскае. Мастацтва, яно дадае аптымізму. Я па натуры аптыміст, ніколі не заганяў сябе ў кут. Мне здаецца, усё роўна ўсё будзе добра. Хацелася б падняць настрой у людзей і даць веру і надзею, што ў нашай краіне будзе добра”.
Алесь Шатэрнік верыць, што неўзабаве надыдзе і той час, калі зробленая ім больш за дзесяць гадоў таму мэмарыяльная шыльда для дома, у якім была абвешчаная Беларуская Народная Рэспубліка, пераедзе зь ягонай майстэрні на належнае ёй месца. Тым болей, што цяпер фасад гістарычнага будынка на вуліцы Валадарскага рамантуецца.
(Шатэрнік: ) “Праяжджаючы там, думаю — вось месца рыхтуецца, дзе яна будзе ўсталяваная”.
***
Фотаздымкі з выставы:
Алесь Шатэрнік
Максім Багдановіч
Дзеці на выставе
Эўфрасіньня Полацкая
(Шатэрнік: ) “Я зрабіў два этуды — “Горнае возера на Вушаччыне раніцай” і “Горнае возера на Вушаччыне ўвечары”. Гэта радзіма Васіля Быкава. Стаўленьне Васіля Быкава да тых падзеяў, якія цяпер адбываюцца ў Беларусі, усім вядомае. І працы мае як бы ў падсьвядомасьці гэтае стаўленьне абуджаюць — раніца і вечар”.
Але агульны настрой, які выклікае выстава Алеся Шатэрніка, прысьвечаная 40-годзьдзю ягонай творчай дзейнасьці й названая “Барвы восені”, сьветлы. Сам аптыміст па натуры Алесь Шатэрнік хоча выклікаць жыцьцясьцьвярджальныя эмоцыі і ў сваіх гледачоў.
(Шатэрнік: ) “Ня хочацца думаць пра кепскае. Мастацтва, яно дадае аптымізму. Я па натуры аптыміст, ніколі не заганяў сябе ў кут. Мне здаецца, усё роўна ўсё будзе добра. Хацелася б падняць настрой у людзей і даць веру і надзею, што ў нашай краіне будзе добра”.
Алесь Шатэрнік верыць, што неўзабаве надыдзе і той час, калі зробленая ім больш за дзесяць гадоў таму мэмарыяльная шыльда для дома, у якім была абвешчаная Беларуская Народная Рэспубліка, пераедзе зь ягонай майстэрні на належнае ёй месца. Тым болей, што цяпер фасад гістарычнага будынка на вуліцы Валадарскага рамантуецца.
(Шатэрнік: ) “Праяжджаючы там, думаю — вось месца рыхтуецца, дзе яна будзе ўсталяваная”.
***
Фотаздымкі з выставы: