АМАН. Ярданская кампанія Starlite Co., супрацоўніка якой трымаюць у закладніках у Іраку, паведаміла, што захопнікі патрабуюць выкуп у 500 000 даляраў, а таксама каб кампанія пакінула Ірак. Прэзыдэнт кампаніі паведаміў, што дзейнасьць у Іраку была спыненая, але захопнікі патрабуюць яшчэ і выкуп, які невялікая кампанія ня мае магчымасьці заплаціць. Кампанія заклікала урад Ярданіі пачаць перамовы з ірацкімі старэйшынам і дзеля вызваленьня закладнікаў.
